ديلده يـئنيچيليک

بهزاد بهزادي

ديل ايجتماعي حياتـين اوست قورومو اولاراق ايقتيصادي، سيياسي، ايجتيماعي دهييشيکلرله بيرليکده دهييشير و اينکيشاف تاپير؛ عئلم و تئخنيکانـين ايرهليلهييشيايله زنگينلشير؛ قونشو خالقلار و دونيا خالقلاريله ايلگيلر واسيطهسيله يـئني سؤزلر و ايفادهلر منيمسهيير.
ديل دورغون بير وارليق دئـييل، بلکه آرديجيل و قانونا اويغون اينکيشاف ائـتمکده
دير. اونا گورهده مؤوجود ديللرين تملي اولان اسکي، کوهنه و قديمي لوغت و ديللر اؤزونه مخصوص بير بحث ديرکي، اونلاري اؤيرهنمک و آراشديرماق موتخصيص ديلچيلرين ايشيدير.
بيز بورادا ديلين عومومي اينکيشاف خطيني ايضاح ائـتمک ايسته
ييريک.
اينسانلارين ايجتيماعي قورولوشو يارانان زامانلاردان ديل اونسييت واسيطه
سي کيمي مئـيدانا گلير. هر کيچيک اينسان قروپلاري، ايجما و تايفا قونوشماق اوچون ديل عونصورلريني ياراتماغا باشلايـير. گئـتديکجه کيچيک توپلوملار قونشولارلا قاريشيب سيياسي- ايجتيماعي قورولوشلار ياراديرلار؛ بو توپلومدا ايشتيراک ائدن قروپلارين ديللري بير- بيرينه قايـنايـيب- قاريـشـير و آنا ديللرين اساسي تشکيل تاپير. کؤچريليک، سيياسي حاکيمييت بيرلييي، ايقتيصادي ايلگيلر، ديللرين بير- بيرينه قارشيليقلي تأثيريني گوجلنديرير، عوموم خالق شيفاهي ديلي ووجودا گلير.
هر ديلده اولان چئـشيدلي لهجه
و شيوهلر کئچميش اينکيشاف يوللاريـندان قالان آبيدهلردير.
موعين سيياسي- ايقتيصادي شراييطدن آسيـلي اولاراق لهجه
لردن بيريسي، ديلده اوستونلوک قازانـير، عوموم خالق شيفاهي ادبي ديل تشکول تاپير. ايلکين يازيلي ادبي ديل عوموم خالق شيفاهي ديل و شيفاهي ادبي ديلي اساسيـندا قورولور.
ادبي ديل گئـتديکجه اؤزونه مخصوص اينکيشاف يولو ايله ايره
ليلهيير و ساراي و رسمي ديل سوييهسينه يوکسهلرک، دانـيـشـيق ديل ايله باشقالاشير. شيفاهي ديل و ادبي يازيلي ديل، هر بيري اؤز اينکيشاف يوللاريـنـي داوام ائديرلر. بئلهليکله ادبي يازيلي ديل، خالق ديليندن ائله اوزاقلاشـير کي، خالق اوچون اونو دوشونمک چتين و حتّا قـئـير-ي مومکون اولور. بئله بير دورومدا ادبي يازيلي ديلده بير دؤنوشلوک اوز وئرير. گئرييه قايـيديش، ساده ديلده يازماق و خالق ديلينه اويغونلاشماق گئديشي باشلانـير.
مکتب
لرين گئـنيشلنمهسي، يازماق و اوخوماغـين کوتلهويلشمهسي، کيتاب و مطبوعاتـين چوخ سايلي يايـيلماسي ادبي يازيلي ديلين يـئني اينکيشاف دوورونه سبب اولور. ادبي ديل خالق ديليندن ايلهام آلاراق سادهلشير و بديعي ايفادهلرين يارانـيلماسيـنا دوغرو ايرهليلهيير.
بو مرحله
ده يـئنيچيليك ديلده گوجلهنير.
قـيساجا دئديگميز ديلين اينكيشاف مرحله
لريني، فارس و آذربايجان ديللرينده، اؤتري بير باخـيـشلا، تطبيق ائدك.
اسكي فارسي ديل
لري بارهسينده آرتـيق دانـيشماق لازيم گلمير. بو ديللر عربلر ايستيلاسيـندان سونرا تاريخه قولوشدو. ايلك فارسجا ادبي ديل، سامانيلر موستقيل حاكيمييت قوردوقدان سونرا ديرچهليشه باشلايـير. خوراسانـين شيمالي بؤلگهلرينده ياشايان فارس ديللي تايـفالار آراسيندا دري لهجهسي اوستونلوك قازانـير، سامانيلر سارايـيندا ايلك فارسي شئعرلر و نثر يازيلار دري لهجهسينده يارانـير و گئـنيشلهنير. گئـتديكجه دري لهجهسي ادبي و رسمي سوييهسينه يوكسهلير، بو ديل اينديده ياشاماقدادير.
رودكي-دن باشلاياراق فارسي شئعري ساده و خالق ديلينه ياخين، يابانچي لوغت و ايفاده
لردن اولدوقجا آريدير. لاكين زامان كئچديكجه يازيلي ادبي ديللرده حددن آرتـيق عربي و توركو سؤزلرين ايشلتمک، ادبي اثرلريني دولاشيق و آنلاشيلماز بير طرزده بيان ائـتمك، طنطنهلي ادبييات ياراتماغا سبب اولاراق، اونلاري دوشونمك خالق اوچون قـئـير-ي مومكون اولدو. شئعرده هيندي سبك نثرده تاريخ و صاف، دره نادري كيمي كيتابلار، دؤولتي فرمانلار و موكاتيبهلر بئله بير دورومون نومونهسيدير.
قاجارلار دؤوروندن، گئرييه قاييديئـش، ساده ديلده يازماق باشلانـير. مشروطيت اينقيلابيندان سونرا يـئـني ديرچه
ليش دؤورونده ادبي ديل كوتلهويلشمك، سادهلشمك يوليله ايرهليلهيير.
آذربايجاندا اسكي زامانلاردا ياشايان ايلتيصاقي ديل
لر كؤهنهلير، ايلك تورك تايـفالارينـين آذربايجاندا تشككولو و سونراكي زامانلاردا موختليف تورك تايـفالاري‌نـين (خزرلر، قـيپچاقلار، اوغوزلار و) آذربايجانا كؤچمهسيله، موختليف لهجهلي تورك و ايلتيصاقي ديل تايـفالارين بيرگه ياشامالاري سبب اولوركي، عوموم خالق آراسيندا ايلگي و اونسييت يارانماق گركلييي نتيجهسينده، عوموم خالق ديلي بوتون بو ديل و لهجهلرين قايـنايـيب- قاريشماسيـندان، آنا تورك ديلي اساسيـندا، اوغوز- قـيپچان لهجهسينين اوستونلويو اورزه تشككول تاپسين. شيفاهي ادبي آذربايجان توركجهسي مئـيدانا گلير. يازيلي ادبي ديل بئله بير تمل اورزه عوموم خالق ديلينه ياخـين يارانـير. دهده قورقود کيتابي و حسن اوغلو شئعري بو مرحلهده ادبي ديلين سادهليگينه نومونهدير. بو زامان عرب و فارس ديللريندن گلمه سوزلر اولدوقجا آزدير.
لاكين يازيلي ادبي ديل اوز اينكيشافـيندا، عربجه
دن (ديني ديل اولدوغونا گوره) و فارسجادان (رسمي ديل اولدوغونا گؤره) آشـيري اولاراق سؤزلر و ايفادهلردن فايدالانـير، بيان دولاشـيـق و دوشونولمز اولور. شاه اسماعيل ختايي و فضولي شئعرلرينده عرب و فارسي سؤزلرينين چوخلو ايشلنمهسي بئله دؤورو سحييهلنديرير.
البته ختايي و فضولي شئعرلرينده ائله ميصراع
لار و بئـيتلر وارديركي، اونلاردا بير كلمهده فارسجا و عربجه سؤز ايشلنمهميشدير.
صفوي
لر دؤورونده اوز وئرن اوچ حاديثه و اونلارين ديل اينكيشافـيندا بوراخديـغـي ايزلري بئله سيرالاماق اولار:
ايراندا گئـنيش اؤلكه
نين يارانماسي، مركزيلشميش حؤكومتين قورولماسي؛ شيمالي و جنوبي آذربايجان ديل بيرلييينين آرتـيق ياخـينلاشماسيـنا سبب اولور.
عوثمانلي خيلافتي
نين، ايران اؤلكهسينيده باشقا قونشو موسلمان اؤلكهلري كيمي اؤزلرينه تابئع ائـتمك سيياستي و شاه اسماعيل و باشقا صفوي شاه لارينـين بو سيياسته قارشي چيخيش و موحاريبهلري، خوصوصيله شيعه مذهبينين ايراندا رسمي اولاراق گئنيش يايـيلماسي ايكي اؤلكه و خالقلاري آراسيندا اولان ايلگيلرين قـيريلماسيـنا سبب اولدو. آنادولي و آذربايجان توركجهسي هر بيري موستقيل ديل كيمي اينكيشاف يولونا يؤنهلديلر، نهايت هر بيري 28 تورك ديللر قروپونون بير قولونو تشكيل ائتديلر.
آذربايجان ديلي سارايـين قونوشما ديلينه، حربي ايشلر ديلينه، ياري
رسمي ديل سوييهسينه يوكسلدي.
18- نجي عصيردن ديل ساده
لشمهيه دوغرو گئرييه دؤنوش حركتيني باشلايـير و ايگيرمينجي عصيرلرده يـئنيچيليك گوجلهنير.
ديلده يـئني
چيليك مرحلهسي خوصوصيياتـي ديلين سادهلشمهسي، خالق ديلينه ياخـينلاشماسي، يابانچي ديللردن آلينما سؤزلرين و ايفادهلرين اولدوقجا آزالماسي، ديلين اؤزل سؤز خزينهسينين گوجلنديريلمهسي، ديلين قورولوش قانونلارينـين اؤيرهنيب، آراشديريلماسي و ادبيياتدا تطبيق ائديلمهسيندن عيبارت اولدوغونو قـئـيد ائـتمك اولار. ديل عئلمي اساسلار اوزره آرديجـيل و قانونا اويغون صافلاشـير.
لاكين بو او دئمك دئـييل كي، يابانچي سؤزلر و ايفاده
لر بوتونلوكله ديلدن چـيخاريريلير. گركلي آلـينما سؤزلر ديلي زنگينلشديرمهيه يارديم ائدير، اونونلا دوغمالاشـير، آلان ديلين عوضوو كيمي ياشايـير.
بوندان باشقا عئلمي و تـئكنيكي ايختيرالار نتيجه
سينده يـئـني يابانچي سؤزلر ديلده قبول اولونور.
ديلده يـئـني
چيليك ميللي اويانـيش حركاتي ايله گوجلهنير. لاكين بو دؤورده بير پارا آشـيري حركاتدا ديلين دوزگون ايره‎‎ليلهييشينه منفي تأثير بوراخا بيلر. اؤرنك اولاراق رضاخان، اربابلارينـين امريني ايجرا ائـتمك مقصديله، فرهنگستان واسيطهسيله فارسي ديليني عربي، توركو لوغتلردن تميزلمک تشبوثونو آد آپارماق اولار. فرهنگستان خالقا تانـيش اولمايان اسکي و کؤهنهلميش فارسي لوغتلريني يـئـنيدن ديريلتمک، قوندارما دساتير لوغتلردن فايدالاناراق اويدورما و کؤک‌سوز سؤزلر و ايفادهلري فارس ديلينه سوخوردولار.
کسروي زبان پاک کيمي عـئـيبه
جر بير ديل يارادير، پان آريائيستلر هلهده فارسيدا ايشلهنن عربي و تورکو سؤزلرينه قارشي دوشمنجه خور باخـيرلار.
بئله بير تشبوث
لر ديلين يـئـنيچيليک گئديشينده زييان يـئـتيرن آزار، آفت-لر دير. بونلارين حاققـيندا آذربايجانلي بير مثلي دئمک يـئرينه دوشر. (کنديميزه تزه دللک گليب، ککولو ياندان قويور).
آذربايجان ديلي
نين بو گونکو ديرچهليش مرحلهسينده، ميللي حرکاتـيندا گوجلنمهسي نتيجهسينده بير پارا آشـيري حرکتلر باش وئره بيلر.
اوميد ائديريک يازيچـيلاريمـيز و شاعيرلريميز، بو گونکو شراييط و طلباتي نظره آلاراق ديليميزين منليگي
ني و کيمليگيني قوروماقلا، تلسمهدن، بيلرکدن، گؤزو آچـيـقلـيـقلا حرکت ائـتسينلر.
يـئري گلميشکن نئچه تاپشيريغـي خاطـيرلاماق ايسته
ييريک:
- خالق
دان آيريلمايـين. سيز خالق اوچون يازيرسيز. خالقا تانـيش اولمايان لوغتلري ايشلتمکدن چکينمک لازيمدير. اگر يازيلاردا ائله لوغتلر ايشلنهکي، اونو اوخويان کوتلهلر، باشا دوشمهيهلر، سيزين پيياملاريزي منيمسهيه بيلمهيهجکلر. بودا دوشمنلري سئوينديرهجک.
- متروک تورکو لوغت
لري، يـئرسيز اولاراق، يازي و شئعرده گتيرمک گرکسيزدير.
- ادبي شئعر و يازيدا يـئرلي سوزلري ايشلتمکده گرک ديققت ائديلسين.
- شيمالي آذربايجان عاليم
و يازيچـيلارينـين اثرلريني اليفبامـيـزا کؤچورنده، شيمالي آذربايجاندا ايشلک اولان روسجا و آوروپا کؤکلو سؤزلر و ايفادهلر عئـيني ايله کؤچورولمهمليدير. اونلارين فارسجا و يا عربجه تانـيش اولان قارشيلـيقلارين ايشلتمک يارارلي اولار. (پوئما، ليريکا يوخ، شئعر غزل يازيلماليدير.)
- تورکييه تورکجه
سينده ايشلهنن لوغت و اکلري ادبيياتـيميزدا يايماق، خالقـيميزا تانـيش اولمايان و ديليميزين قانونلاريله اويوشمايان سؤزلري ايشلتمک دوزگون دئـييل.
- بو گونکو شراييطي نظره آلاراق لوغت و
ايفادهلر دوزلتمهيه تلسمهمليييک. واختيله صلاحييتدار عاليم ديلچيلر، قورولوشلار، ديليميزين قانونلارين گؤزلمکله برابر بو ايشه ساهمان وئرهجکلر.
- عربجه و فارسجا لوغت
و ايفادهلرين ديليميزده قبول اولونان دوغمالاشميش، کوتلهلره تانـيش اولانلارا قارشي کينه ايله ياناشمامالييـيق.
- مدني، سيياسي کيمي ايفاده
لرين يـئرينه کولتورول، پوليتيکال ايشلتمهيي ديلده يـئـنيچيليک آدلانديرماق اولماز.
ديلده يـئـني
چيليک حرکاتي تاريخي بير ضرورت دير. ديل سادهلشيب، گرکسيز يابانچي سؤز و ايفادهلردن اؤزونو تميزلهيهجک. ادبي يازيلي ديل خالق ديلينه ياخـينلاشماق اوغروندا ايرهلييهجک. مکتبلر و عالي مکتبلر لازيمي و صلاحييـتدار کادر حاضيرلاياراق آکادئمي قورولماغـينا ايمکان ياراداجاق و عاليم ديلچيلريميز عئلمي اساسلار اورزه ديليميزين قانونلارينا اويغون بئله بير حرکتيني اوغورلو ايرهليييشينه يارديم ائدهجکلر.