سؤزوموز يازيمي (اورتوقرافيسي)

 

SZMZ YAZIMI (ORTOQRAFİSİ)

 

 

 

مئهران باهارلي MEHRAN BAHARLI

 

سؤزوموز - ١٠ كؤچ آيي (ماي) ٢٠٠٥ - تويوق ايلي

يازيلما: ٢٠٠٤ - گؤزدن گئچيرمه: ٢٠٠٥

SZMZ - K AYI 2005 - TOYUQ İLİ

YAZILMA 2004 - GZDƏN GEİRMƏ 2005

 

 

 

تورك يازيمي فارس ايملاسي بويوندوروغوندان قورتولماليدير

 

سون ايللرده ايراندا توركجه اورتوقرافيسينين ايستانداردلاشديريلماسي يولوندا بؤيوك ايره‏ليله‏مه‏لره تانيق اولماقداييق بونونلا بئله الده ائديلهن ايستانداردين دوراقلامادان گؤزدن گئچيريليب يئنيله‌نمه‌سي و وارسا يئتهرسيزليكلرينين بوتونله‌نمه‌سي؛ اسكيكسيز توتارلي و چاغداش بير يازي سيستئمينين اولوشماسي اوچون گرهكليدير

سؤزوموز وئبلاقلار ديزيسي اينتئرنئتده ايرانين باشاباشيندا ياشايان تورك خالقي، ديلي و اويقارليغينا اوداقلانميش ايلك و ان گئنيش اوخونان وئبلاقلاردان بيريدير سؤزوموز وئبلاقلار ديزيسينده ايشله‏ديلهن اورتوقرافيك قوراللار، گنهل جيزقيسي ايله، بيرينجي و ايكيجي اورتوقرافي سئمينارلارينين منيمسهديكلري قرارلار دوغرولتوسوندادير بونا رغمن سؤزوموز و اينتئرنئت اورتاميندا الده ائتديييميز تجروبه‏لر، ايكي اورتوقرافي سئمينارينين قبول ائتدييي عرب كؤكهنلي تورك اليفباسيندا بير سيرا دوزه‏ليشلر ياپيلماسينين گره‏کلي و قاچينيلماز اولدوغونو اورتايا چيخارميشدير

 

ياپديغيميز بو دوزه‏ليشلرده "منطيقيليك "سادهليك "فونئتيكليك" و "ايستيثناسي آز اولان ايچ اويوملو، توتارلي و بيرجه يازيم سيستئمي اولوشدورما" كيمي اصللر اساس آلينميشدير اؤته ياندان قازانديغيميز تجروبه‏لر عرب كؤكهنلي تورك اورتوقرافيسينده "تاريخيليك" "منشاني گؤسته‏رمه" "كلمهلرين فارسجا و عربجهدهكي ايلكين يازيليش بيچيملريني قوروما" كيمي قايغيلارين گؤز اؤنونده توتولماسينين عملده تكجه تورك فونئتيييني پوزدوغو و ديليميزي فارس ديلي نورملارينا تابئع ائتدييي ساويني دوغرولاميش و بو ندنله ده اساس آلينمامالاري گره‏کديييني گؤستهرميشدير

 

آشاغيدا سؤزوموزده ايشلهديلهن بعضي دوزه‏ليش - قايدالارين ان اؤنهمليلري تكجه ايكينجي اورتوقرافي سئميناريندا (٢٠٠١) منيمسهنن اليفبادان فرقلي اولانلار- سونولموشدور

 

بو يازيدا ايران توركجهسينين بوتون لهجهلريندهكي سسلي و سسسيز فونئملري تمثيل ائدهن حرفلر آشاغيداكي كيمي قبول ائديلميشدير:

 

سسليلر (٩ عدد) و آپوستروف

A

آ ا

E

ائئ ائئ ئ

I

اێي اێي ێ

İ

ايي ايي ى

O

اوْ اوْ

اؤ ؤ

U

اۇ اۇ

اۆ ۆ

(آپوستروف)

() Ə

ا ه به

 

سسسيزلر ( ٢٤ عدد)

ب - B

پ - P

ت (ط) - T

ج - C

چ -

خ - X

د - D

ر - R

ز (ذ ظ ض) - Z

ژ - J

س (ث ص) - S

ش - Ş

غ - Ğ

ق - Q

ف - F

ك - K

گ - G

ل - L

م - M

ن - N

نگ (ڭ) -

ه(ح) - H

و - V

ي - Y


 

١- "صفت-موصوف"٫ "مضاف- مضاف اليه" كسره‏سي

 

توركجه يازيميندا فارسجا و عربجه قايناقلي "صفت-موصوف" و "مضاف-مضاف اليه" كيمي سؤز بيرلهشمهلري (بادِ صبا) تك بير لئكسيك واحيد اولاراق قبول ائديلمهمهلي و بونلارداكي كسره سسي، يازيدا سؤيلهندييي كيمي، "اي-i" يا دا "يي-yi" شكلينده گؤستهريلمهليدير سسين ايلك كلمهيه سونرادان علاوه اولدوغونو بللي ائتمك و وورغولاماق اوچون، توركييه لاتين اليفباسيندا اولدوغو كيمي، ايلك كلمه ايله آراسينا بير " - " ايشارتي قويولابيلهرּ (باد-ي صبا):

فارسجادا "صفت-موصوف" و "مضاف-مضاف اليه" كيمي سؤز بيرله‌شمهلرينده، ايلك كلمه‏نين سونونا بير كسره ( ِ ) آرتيريلير (بادِ صبا) ּ يازي اوخوناركن و دانيشيق ديلينده سؤيله‏نن بو كسره سسي، عومومن يازيلماز توركجه‏يه گيرميش بئله فارسجا قايناقلي "صفت-موصوف" سؤز بيرله‌شمه‏لرينده‏کي كسره، "اي-i" يا دا "يي-yi" اولاراق سؤيله‏نير (بادي صبا، نويدي آزربايجان، آوايي اردبيل شكلينده) توركييه لاتين اليفباسيندا "اي-i" سسي وئره‏ن فارسجا سؤز بيرلهشمهلريندهكي بو كسره، ايلك كلمه‏نين سونونا "ي" ايشارهسي آرتيريلاراق گؤستهريلير (باد-ي صبا) و ائلهجه ده اوخونور قوزئي آزربايجان لاتين اليفباسيندا ايسه بو "اي" سسي يازيدا گؤستهريلمز و اونون يئرينه ايكي كلمه آرالارينا آرتيريلان " " ايشارتي ايله بير بيرينه بيتيشيك يازيلير (باد-صبا)

 

اورتوقرافي سئميناريندا منيمسه‏نن قورال، قوزئي آزربايجان́ دا ايشلهديلهن بو قايدادير، بو قورالا گؤره فارس قايناقلي سؤز بيرله‌شمه‏لرينده "اي-i" سسي وئره‏ن كسره، فونئتيك اولاراق گؤستهريلمير اونون يئرينه ايكي كلمه آرالارينا آرتيريلان بير " " ايله بير بيرينه بيتيشيك (باد-صبا) شكيلده يازيليب و بادي صبا اولاراق اوخونور

 

بيزجه قوزئي آزربايجان́ داكي مئتود - "باد-صبا" يازيب "بادي صبا" اوخوماق - يانليشدير چونكو توركجه‏ده بو كسره نه تك يوخ اولمور بلكه "اي-i" يا دا "يي-yi"ه دؤنوشهرك سؤيله‏نير وار اولان و سؤيله‏نن بير سسين يازاركن گؤستهريلمه‏مه‏سي، اليفبانين توتارلي و فونئتيك اولماسي پيرينسيبينه ترسدير آيريجا ايكي كلمه‏ني بير بيرينه ياپيشديرماق، ائستئتيك باخيميندان دا سورونلودور بو سورون اؤزهلليكله سؤز بيرلهشمه‏نين ايكيدن آرتيق كلمه‏دن اولوشدوغو واختلار، مثلن "پنبه-داغ-جونون، تاريخ-آل-عثمان" سؤز بيرلهشمهلرينده اولدوغو كيمي، اؤزونو داها دا گؤركسوز و قاباريق بيچيمده گؤستهر

 

اؤرنهكلر: باد-ى صبا (باد-صبا، بادي صبا، بادي-صبا، باد صبا، بادِ صبا يئرينه)، زولف-ي پريشان، چشم-ي گيريان، سيما-يي شمس، باده-يي ناب، پنبه-يي داغ-ي جونون (پنبهي-داغ-جونون يئرينه)، ناله-يي بولبول، شاه-ي مردان، تاريخ-ي آل-ي عوثمان سو-ي قصد (سوء-قصد يئرينه) غئير-ي مومكون (غير-مومكون يئرينه) ضيدد-ي اينقيلاب (ضيد-اينقيلاب يئرينه) نوقطه-يي نظر برگ-ي گول ترجومه-يي حال غئير-ي عادي

 

 

٢- "و" باغلاييجيسي

 

"و" باغلاييجيسينين كؤمهيي ايله ياپيلان سؤز بيرلهشمهلرينين ("درد وَ غم") توركجه يازيميندا فونئتيك بيچيمده يازيلابيلمهلري اوچون، بو "و" ايلك كلمهنين سونونا اكلهنمهليدير:

 

عرب اليفبالي توركجه يازيلارداكي "و" حرفي تكجه "و-v" سسي وئرير ديليميزه گيرهن فارسجا "درد وَ غم" كيمي سؤز بيرلهشمهلريندهكي "و" ايسه، "اوْ-o" "اوُ-u" و يا "اۆ-" اولاراق (دردوْ غم) سؤيلهنير توركجهده "درد و غم " يازيب، "دردوْ غم dərdoqəm" اوخوماق تك سيستئمليليك و توتارلي فونئتيك سيستئمه قارشيدير بو تركيبين توركجهده سؤيلهنديييي كيمي اوخونابيلمهسي اوچون "و"؛ آرالي اولاراق "اوْ-o ويا اوُ-u" شكلينده يازيلمالي (درد اوْ غم) يا دا آراليقسيز ايلك كلمهنين سونونا علاوه ائديلمهليدير (دردوْ غم)ּ بئله "و"لرين كؤك كلمهيه عاييد اولماديغيني وورغولاماق اوچونسه، ايلك كلمه ايله آرالارينا بير " - " ايشارتي قويولابيلهر

 

اؤرنهكلر: درد-وْ غم (درد و غم يئرينه)، گشت-وْ گوذار (گشت و گوذار يئرينه)، ناله-وْ افغان (ناله و افغان يئرينه)

 

 

٣- دوغمالاشماميش آلينما سؤزجوكلر

 

دوغمالاشماميش آلينما سؤزجوكلرده:

عرب و فارس قايناقلي كلمهلردهكي سسسيز سؤزجوكلر اصلينده اولدوغو كيمي قورونماليدير؛ (رحمت تهمورث)

 

باشقا يابانجي ديللردن آلينما كلمهلردهكي سسسيز حرفلر (اونسوزلر، صاميتلر)، توركجه قارشيليقلاري ايله يازيلماليدير؛ (كاغذ يئرينه كاغاز يازيلماليدير)

 

سسليلرين هاميسي (اونلولر، صاييتلر) كلمهنين آلينديغي ديل نه اولورسا اولسون، بوتونويله و ايستيثناسيز توركجه فونئتييينه اويغون بيچيمده كلمهيه آرتيريلماليدير (مئترو شئعر اينتئرنئت)

 

اؤرنهكلر: شئعر، قئيد، تئلئفون، پوست، سيستئم، اينتئرنئت، اىمئيل، مورفئم، قوروپ، قورآن (قران يئرينه) مئترو رحمت تهمورث كاغاز

 

 

٤- دوغمالاشميش آلينما سؤزجوكلر

 

دوغمالاشميش آلينما سؤزجوكلرده "ض، ظ، ذ، ط، ح، ث، ص" سسسيزلري تمامي ايله و ايستيثناسيز توركجه قارشيليقلاري ايله دييشديريلمهليديرּ "ض، ظ، ذ" يئرينه "ز"؛ "ط" يئرينه "ت؛ "ح" يئرينه "ه"؛ "ث، ص" يئرينه "س" يازيلماليدير بونا "آزربايجان" و "آزر" آدلاري دا داخيلديرּ

 

كلمهده گؤستهريلمهين سسلي وار ايسه، علاوه ائديلهرك و يوزده يوز فونئتيك شكيلده يازيلماليدير:

 

اؤرنهكلر: تاماه (طمع يئرينه)، ساهات (ساعت يئرينه)، آزربايجان (آذربايجان يئرينه)، آزر (آذر يئرينه) ماتاه (متاع يئرينه)، فهله (فعله يئرينه) ساباه (صباح يئرينه) هله (حالا يئرينه)

 

 

٥- شخص آدلاري

 

باشقا ديللردن آلينميش دوغمالاشمايان آدلاردا سسسيزلر اولدوغو كيمي قورونماليديرּ (ارسطو تهمورث)

 

توركجه كؤكهنلي آدلاردا سسسيزلر توركجه قارشيليقلاري ايله يازيلماليدير (اصلان يئرينه آسلان طغرل يئرينه توغرول

 

شخص آدلاري دوغمالاشيب دوغمالاشماديقلارينا باخمادان، ايستيثناسيز فونئتيك شكيلده و سسليلر آرتيريلاراق يازيلماليدير (رضا يئرينه ريضا نادر يئرينه نادير)

 

اؤرنهكلر: توغرول (طغرل يئرينه) آسلان (اصلان يئرينه) لئيلا، ريضا، ايسماعيل، محممد، عابباس، نادير، زئينب، عوثمان، جورج، پيتئر ستتارخان حئيدرخان رئنه دئكارت (رنه دكارت يئرينه) علييئف (علييف يئرينه)

 

 

٦- كسره ( ِ )

 

توركجه يازيلاردا، توتارلي بير سيستئم اولاراق، كلمهنين آلينما و يا توركجه اولوب اولماديغينيا باخماقسيزين حركه ايشارتلرينين هئچ بيرينه يئر وئريلمهمهليدير

 

توركجه يازيلاردا هئچ بير شكيلده كسره حركهسي ايشلهديلمهمهلي، اونون قارشيلاديغي سس ايستهر توركجه، ايستهر يابانجي كؤكلو- كلمهنين باشلانغيجيندا "ائ"، اورتا و سونوندا ايسه "ئ" شكلينده يازيلماليديرּ بونلارا شخص و جوغرافي آدلار دا داخيلدير:

 

اؤرنهكلر: ائي! عئشق، عئلم، حوسئين، غئير، ائحسان، ائعتيبار٫ ائعتيماد، حئساب، ائعتيراض، سئحر، مئهريبان، قزئت، مئتود، تابئع قئيد رئنه دئكارت (رنه دكارت يئرينه) حئيدر علييئف (حيدر علييف يئرينه) تئهران (تهران يئرينه) مئكزيك (مكزيك يئرينه)

 

كسرهنين ئ" بيچيمينده يازيلماسينا اؤزهلليكله آوروپا قايناقلي سؤزجوكلرده ديققت ائديلمهليدير:

 

اؤرنهكلر: تئلئكس، ائنئرژي، رئداكسييون، فونئتيك، تئلئفون، تئلئويزييون، سئمينار، ائپيدئمي، ائتنيك، سئپتامبر، تئست ائلئمئنت تئكنولوژي علييئف كاراكتئر

 

 

٧- ضممه ( ُ )

 

توركجه يازيلاردا هئچ بير شكيلده ضممه حركهسي ايشلهديلمهمهلي، اونون قارشيلاديغي سس ايستهر توركجه، ايستهر يابانجي كؤكلو- كلمهنين باشلانغيجيندا "اوْ"، اورتا و سونوندا ايسه "وْ" شكلينده يازيلماليدير

اؤرنهكلر: دئموْكراسي (دمكراسي يئرينه)، اوْجاق (اجاق يئرينه) پوْست (پست يئرينه) كوْميسيون (كميسيون يئرينه)

 

 

٨- فتحه ( َ )

 

فتحه سسي، توركجهده فونئتيك بير سيستئم ياراتمانين قاباغينداكي ان بؤيوك سورونو اولوشدورور بو سس كلمه باشيندا "ا" (ال) كلمه سونوندا عومومن "ه" (دده) همزه يئرينده "ا" (مبدا) ايله گؤستهريليب، كلمه اورتاسيندا ايسه چوخ واخت گؤستهريلميرּ

 

توركجه يازيلاردا فتحه حركه‏سي هئچ بير شكيلده ايشلهديلمهمهليديرּ فتحه سسي ايسه آشاغيدا آچيقلانديغي تكين گؤستهريلمهليدير:

 

الف- كلمه باشينداكي فتحهلر:

فتحه سسي كلمه باشيندا ايسه "ا" ايله گؤستهريلمهليدير: "ال" "ار" "ارميش"، "اكبر"

 

ب- كلمه سونونداكي فتحهلر:

فتحه سسي كلمه سونوندا ايسه "ه" ايله گؤستهريلمهليدير: "دوه" "يئكه" "بيرجه" "منه" "دده"

 

پ- همزه يئرينده اولان فتحهلر:

فتحه سسي وئرهن كلمهنين اورتاسي ويا سونونداكي همزهلر "ا" ايله گؤستهريلمهليدير: "هئيات" (هئيت يئرينه)، "مبدا"، "منشا"

 

ج- توركجه اكلرين سونونداكي فتحهلر:

كلمهني اولوشدوران مورفئملر و توركجه اكلرين سونونداكي بوتون فتحهلر هميشه "ه " ايله گؤستهريلمهليدير: (-مه -لهּּ)ּ

ر- فتحهلي اكلرين باشقا اك و سؤزجوكلرله بيرلهشمهسي:

سونو "ه"لي اولان اكلردن سونرا باشقا بير اك داها گلهنده اورتايا چيخان نئچه اك بيرلهشمهسينده ده بو فتحهلي اك اؤزوندن سونرا گلهن اكه بيتيشيك آمما اوندان آيري يازيلمالي و حذف ائديلمهمهليدير باشقا بير دئييشله فتحهدن سونراكي بؤلوم موستقيل بير سون اك ايسه بو فتحه "ه" ايله گؤستهريلمهليدير ("مهلي" اكينده فتحهدن سونرا گلهن لي" موستقيل بير اك اولدوغو اوچون بو تركيبين "ملي" بيچيمينده يازيلماسي يانليشدير)

 

بو يؤنتم اؤزهلليكله توركجه ايله يئنيجه تانيشان اوشاقلار و گنجلرين باشليجا اكلر اوزهرينه قورولموش اولان ديليميزين قيرامئريني اؤيرهنمهلري آچيسيندان سون درجه يارارلي و اؤنهمليدير

 

اؤرنهكلر: -مهلي (ملي يئرينه)، ترلهمك (ترلمك يئرينه) بيلمهين (بيلمين يئرينه) گوجلهنديرهن (گوجلنديرن يئرينه) دئمهسهيدي (دئمهسيدي يئرينه)

 

 

"-ش" "-ن" "-ت" تكين صيفير هيجالي مورفئملر (بير هيجادان آز اولان) و "-م" "-ن" "-سي" "-لري" كيمي منسوبييت اكلريندن اؤنجهكي فتحهلر اؤزلريندن قاباقكي مورفئمله تك مورفولوژيك واحيد ساييلمامالي و يوخاريداكي قايدايا اويغون اولاراق آيريجا يازيلماليديرلار:

 

اؤرنهكلر: -لهشمه= له+ش+مه (لشمه يئرينه)، -لهنمه=له+ن+مه (لنمه يئرينه)، -لهتمك=له+ت+مه (لتمك يئرينه)، ايزلهنير (ايزلنير يئرينه) ددهم ننهم چنهسي تپهلر

 

فتحهدن سونراكي بؤلوم موستقيل بير سون اك دئييلسه بو فتحه سسي گؤستهريلمهمهليدير: "دن" "مك" "لر" اكلريني "دهن" "مهك" و "لهر" شكلينده گؤستهرمك يالنيشديرּ چونكو "مك" ايكي موستقيل "مه" و "ك" "دن" ايكي موستقيل "ده" و "ن" "لر" ايكي موستقيل "له" و "ر" اكلريندن اولوشموش بير سون اك بيرلهشمهسي دئييلديرلرּ

اؤرنهكلر: گلمهلي (گلملي يئرينه) گوجلهنن (گوجلنن يئرينه) يئرلهشمه (يئرلشمه يئرينه)، گولمهييميز (گولمگيميز يئرينه)، دئسهك (دئسك يئرينه)، ايشلهتمك (ايشلتمك يئرينه)، ايشلهتمز (ايشلتمز يئرينه)، سؤيلهنيلير (سؤيلنيلير يئرينه)، گلمهلي (گلملى يئرينه)، شيكايتلهنن (شيكايتلنن يئرينه)، يئنيلهشمه (يئنيلشمه يئرينه)، يئنيلهمه (يئنيلمه يئرينه)، بيرلهشمك (بيرلشمك يئرينه)، ايزلهنمك (ايزلنمك يئرينه)

 

چ- توركجه اكلرين باشينداكي فتحهلر:

توركجه اكلرين باشينداكي فتحهلر هميشه "ه" ايله يازيلماليدير

 

اؤرنهكلر: -هر (ر يئرينه) -هن (ن يئرينه) -هل (ل يئرينه) هم (م يئرينه) -هج (ج يئرينه)

 

بو اكلرين فتحهلري كلمه سونونا علاوه ائديلدييينده ده يازيليب و آيريجا گؤستهريلمهليدير

 

اؤرنهكلر: اؤزهل گئدهن ايچهم گئدهر (گئدر يئرينه)، گلهن سورهج (سورج يئرينه) ائدهر (ائده ر يئرينه)، ايتيرهن (ايتيرن يئرينه)، وئرمهرهم (وئرمرم يئرينه)، گؤرهنيم (گؤرنيم يئرينه)، ايستهييرهم (ايستهييرم يئرينه)، وئريرهم (وئريرم يئرينه)، گلهنيم (گلنيم يئرينه)، يؤنهلتمك (يؤنلتمك يئرينه)، دوزهليش (دوزليش يئرينه)، گلهنيم (گلنيم يئرينه)

 

د- توركجه كلمهلرين اورتاسينداكي فتحهلر:

اوخونما يانليشليغي ائحتيمالي اولان توركجه كلمهلرين اورتاسينداكي فتحهلرين اولابيلديكجه سيخجا و هيجا اساس آليناراق، "ه" ايله گؤستهريلمهسي، ايستيثناسي آز اولان بيرجه آنلاييشلي و توتارلي بير فونئتيك سيستئم اولوشدورما فلسفهسينه داها ياخيندير

 

اؤرنهكلر: گلهنك بيلهرك گرهك (گرك يئرينه)، گؤزهل (گؤزل يئرينه)، چؤرهك (چؤرك يئرينه)، ايرهلي (ايرلي يئرينه)، اورهييمي (اورگيمي يئرينه)، اؤرنهك (اؤرنك يئرينه)، گؤندهرمك (گؤندرمك يئرينه)، اؤزهلليك (اؤزلليك يئرينه)، دؤنهملر (دؤنملر يئرينه)، اؤنهملي (اؤنملى يئرينه) گؤستهريلهن (گؤستريلن يئرينه)، الجهييم (الجگيم يئرينه)، گؤستهرمك (گؤسترمك يئرينه)، اؤيرهنمك (اؤيرنمك يئرينه) كپهنك گؤرهليم گؤزلهيهليم گؤبهلكּ

 

م- آلينما كلمهلرين اورتاسينداكي فتحهلر:

 

آلينما كلمهلرين اورتاسينداكي فتحهلر گؤستهريلمزكلمه اردبيل

 

اوخونما يانليشليغي ائحتيمالي اولان يئرلرده بئله فتحه سسلري "ه" ايله گؤستهريلمهليديرּ

 

اؤرنكلر: قدهر (قدر يئرينه)، هدهر (هدر يئرينه)

 

 

٩- تشديد ( ّ )

 

تشديد توركجه يازيلاردا موطلق شكيلده ايشلهديلمهمهلي، يئرينه ايلگيلي حرف ايكيلهنمهليدير بورايا توركجه آلينما سؤزجوكلر و شخص آدلاري دا داخيلدير

اؤرنهكلر: ميللت (ملّت يئرينه)، آمما (امّا يئرينه)، حتتا (حتّي يئرينه)، آللاه (الله يئرينه)، موللا (ملّا يئرينه)٫ مدداح (مدّاح يئرينه)، صرراف (صرّاف يئرينه)، موكممل (مكمّل يئرينه)، حيصصه (حصّه يئرينه)، موعلليم (معلّم يئرينه)، محممد (محمّد يئرينه)، غوصصه (غصّه يئرينه)، عممه (عمّه يئرينه)، حاققيندا (حاقّيندا يئرينه)، ديققت (دقّت يئرينه)، تعججوب (تعجّب يئرينه)، فععال (فعّال يئرينه)، ظننيمجه (ظنّيمجه يئرينه)، جادده (جادّه يئرينه)، جيددي (جدي يئرينه)، موددت (مودت يئرينه)

 

 

١٠- تنوين ( ً )

 

تنوين ايشارتي توركجه يازيلاردا موطلق شكيلده ايشلهديلمهمهلي و يئرينه سادهجه "ن" حرفي يازيلماليدير

 

اؤرنهكلر: تقريبن، تخمينن، موطلقن، حؤكمن، حتمن، اصلن، قصدن، سهون، عملن، ائعتيبارن، مثلن، ذاتن، طبيعتن، اساسن، اوولن، نيسبتن، نظرن، تدريجن قطعيين

 

 

١١- همزه ( ئ، ء، أ )

 

توركجه يازيميندا همزه ايشارتي هئچ بير شكيلده ايشلهديلمهمهليدير

 

فارسجا كلمهلرده همزه بعضن كلمه باشي و اورتاسينداكي دورغولو فتحهني (رأي جرأت، هئيأت، مسأله)، بعضن كلمه سونوندا گلن دورغولو فتحه سسيني (مبدأ، ملجأ، منشأ) بعضن دال دالا گلن ايكي سسليدن ايكينجي كسره سسيني (دائم، عائله، عائد، جرائد، دائر)، بعضن آردآردا گلن ايكي سسليدن ايكينجي "ايi-" سسيني (رئيس، فدائي، اسرائيل، عزرائيل)، بعضن آردآردا گلن ايكينجي سسليدن فتحه سسيني (تأسّف)، گؤستهرمك اوچون ايشلهديلير چوخ گئنيش و اولدوقجا فرقلي اولان بو خوصوصييتلره صاحيب بير همزه ايشارتينين ايشلهديلمهسي، اليفبانين فونئتيك اولماسينا تمامي ايله ترسدير

 

كلمهدهكي فتحه سسلي همزه، كلمهنين اورتاسي و يا سونوندا، "ا" سسي ايله گؤستهريليب، فتحه اولاراق اوخونماليدير

 

اؤرنهكلر: راي (رأي يئرينه) جورات (جرأت يئرينه)، تاسسوف (تأسّف يئرينه)، هئيات (هئيأت يئرينه)، مساله (مسئله و مسأله يئرينه)، مبدا (مبدأ يئرينه)، ملجا (ملجأ يئرينه)، منشا (منشأ يئرينه) تاثير ماخذ

آلينما سؤزجوكلرده كلمهنين سونونداكي "ء" ايشارتي حذف ائديلمهليدير:

 

اؤرنهكلر: ايملا (املاء يئرينه) اينشا (انشاء يئرينه) سو (سوء يئرينه)

 

فارسجا كلمهلرده كسره و يا "اي" سسي وئرهن همزهلر، توركجهده "اي"يه چئوريلديكلري اوچون، "ي" ايله عوض اولونماليديرلار

اؤرنهكلر: عاييله (عائله يئرينه)، عزراييل (عزرائيل يئرينه)، ايسراييل (اسرائيل يئرينه)، عاييد (عائد يئرينه)، داييم (دائم يئرينه)، رييس (رئيس يئرينه)، فدايي (فدائي يئرينه)، جراييد (جرائد يئرينه)، كايينات (كائنات يئرينه)، دايير (دائر يئرينه)

 

 

١٢- قوشا، اوچلو "يي، يا٫ يوْ ؤو وْو" سسلرى

 

بير سيرا آلينما سؤزجوكلرده "iyo, iya, iyə" سسي وئرهن "يو-يا "لرله قارشيلاشيريق بونلار فارسجادا تك بير "ي" ايله يازيلير (راديو، بيولوژي، خيابان، سياست) بعضي عرب قايناقلي سؤزجوكلرده ايسه قارشيلاشديغيميز "iyy" اوچلوسو فارسجادا اوزهرينه تشديد قويولموش تك بير "ي" ايله يازيلير (صحيّه، سويّه، مدنيّت، ادبيّات، نشريّه) بو اوسلوب توتارلي بير فونئتيك سيستئمه بوتونلوكله قارشيدير توركجه يازيلاردا بئله دوروملار، سؤيلهندييي كيمي ايكي و يا اوچ "ي" ايله يازيلمالي و هئچ بير سس حذف ائديلمهمهليدير

 

اؤرنهكلر: رادييو، خييانت، ادبييات، توركييه، حوررييت، ضييالي، خيياوان٫ بييولوژي٫ مييانا، سيياست، قييمت، ريياضي، اهممييت، مشروطييت، ماهييت، نشرييه، صحيييه، سوييه، مدنييت رييا آشييان دييالوگ ديياسپور مئدييا فيياسكو

 

عربجهدن آلينما كلمهلردهكي "و" حرفي ايله گؤستهريلهن aw مخرجي توركجهده تلففوظ ائديلدييي كيمي "ؤو" و يا "وْو" ايله يازيلماليدير:

 

اؤرنهكلر: دؤولت (دولت يئرينه) نوْوع (نوع يئرينه) اؤولاد (اولاد يئرينه) موْوضوع (موضوع يئرينه) تؤوصييه (توصيه يئرينه) اؤولييا (اولياء يئرينه) موولانا (مولانا يئرينه)

 

 

١٣- ظ، ذ، ض، ط، ح، ث، ص، ع حرفلري

 

توركجه كؤكلو، آوروپا كؤكلو و ده توركجهلهشميش فارس و عرب ديللريندن آلينما سؤزجوكلرده عربجهيه مخصوص اولان "ظ، ذ، ض، ط، ح، ث، ص، ع" حرفلري موطلق شكيلده ايشلهديلمهمهلي، بو حرفلرين قارشيلاديغي سسلر "ز، ت، ه، س" حرفلري ايله يازيلماليدير

 

"آزربايجان" و "آزر" كلمهلري بونلارين توركجه اولدوقلاريندان حركتله (آذربايجان و آذر يئرينه) بورادا گؤروندوكلري بيچيمده يازيلماليدير

 

اؤرنهكلر: اوتاق (اطاق يئرينه)، اوتو (اطو يئرينه)، تاماه (طمع طاماح يئرينه)، ساباه (صاباح يئرينه)، زارافات (ظارافات يئرينه)، ماتاه (ماتاح متاع يئرينه) آزربايجان (آذربايجان يئرينه) آزر (آذر يئرينه)

 

"ظ، ذ، ض، ط، ح، ث، ص، ع" حرفلري، تكجه دوغمالاشماميش آلينما سؤزجوكلرده ايشلهديلهبيلهر

 

اؤرنهكلر: مئعده ، طرح، ثابيت، ضرر، ظاهير، صورت، اثر، عذاب

 

 

١٤- "آ" سسلي "ي" و "وا"لار

 

"آ" سسي وئرهن عربجه "ي" و فارسجا "وا"لار (واو معدوله)، ايستيثناسيز توركجهده وئرديكلري سس اساس آليناراق "آ" حرفي ايله يازيلماليديرلار

 

اؤرنكلر: عيسا (عيسي يئرينه)، موسا (موسي يئرينه)، حتتا (حتي يئرينه)، موصطافا (مصطفي يئرينه)، خاجه (خواجه يئرينه)، خاهيش (خواهيش يئرينه)، كوبرا (كبري يئرينه) خارزم (خوارزم يئرينه) آزاديخاه (آزاديخواه يئرينه) خاننده (خواننده يئرينه)

 

 

 

 

١٥- يوموشاق "گ" حرفي

 

 

توركجه يازيمدا يوموشاق "گ" مفهومو ترك ائديمهلي و بو ايشاره ايشلهديلمهمهليدير تورك اليفباسيندا "گ" ايشارتي تكجه و يالنيزجا "گg-" سسي وئرير، اؤته ياندان "ي-y" سسي تكجه و يالنيزجا "ي" حرفي ايله گؤستهريلير دولاييسي ايله "گ" ايشارتيني "ي-y" سسيني قارشيلاماق اوچون ايشلهتمك ("گؤردويو" نو، "گؤردوگو" كيمي يازماق) يانليشدير

 

بو يانليشليق توركييه لاتين اليفباسيندا مووجود اولسا دا، قوزئي آزربايجان فونئتيك لاتين اليفباسيندا اورتادان قالديريلميش و بو اليفبادا "ي-y" سسلري تكجه "ي-y" ايشارتي ايله گؤستهريلمكده و "گ-g" ايشارتي تكجه "گ-g" سسيني قارشيلايير

 

اورتوقرافي سئميناريندا ايسه "ي" سسي وئريب "گ" اولاراق يازيلان يوموشاق "گ"، (بو كيمي "ي"حرفلرينين اصلينده "ك" اولدوغونو بليرتمك آماجي ايله) قورونموشدور بيزجه بو منطيق گوجلو بير اساسا دايانماييب اليفبانين فونئتيكليك ياپيسيني پوزور اگر "ي"يه دؤنوشهن "ك"لر، حؤكمن اؤزهل بير علامت ايله ("گ") گؤستهريلمهلي ايسه (اورهك---- اورهيي---- اورهگي)، عئيني منطيقله "غ"يه دؤنوشهن "ق"لر اوچون ده (آياق---- آياغي) اؤزهل بير علامت نظره آلينمالي و يا ياراديلماليدير بيز اگر "غ"يه دؤنوشهن "ق"ني، سادهجه يئني سسي اولان "غ" ايله يازيرساق، ائله همان منطيقله "ي"يه دؤنوشهن "ك"ني ده تكجه يئني سسي اولان "ي" ايله يازماليييق

 

 

اؤرنهكلر: چييين (چيگين يئرينه)، گتيرديييم ( گتيرديگيم يئرينه)، چؤرهييم (چؤرگيم يئرينه)، گلهجهييم (گلجگيم يئرينه)، گؤروندويو (گؤروندوگو يئرينه)، درنهيي (درنگي يئرينه)، گلهجهيم (گلجگم يئرينه)، الجهييم (الجگيم يئرينه)، ائتمهيه (ائتمگه يئرينه)، دئييل (دگيل يئرينه)، ائتمهيي (ائتمگي يئرينه)، اورهييمي (اورگيمي يئرينه)، گتيرمهيه (گتيرمگه يئرينه)

 

 

١٦- قوشا اونسوزله باشلايان سؤزجوكلر

 

توركجهده سؤزجوكلر قوشا اونسوزله باشلاماز و بو دورومدا اولان يابانجي سؤزجوكلرين ايلك حرفيندن سونرا اويغون بير سسلي آرتيريلار ("كلاسيك" يئرينه "كيلاسيك" "بروكسل" يئرينه "بوروكسئل" سؤيلهنير) تورك يازيميندا دا قوشا اونسوزلرله باشلايان يابانجي سؤزجوكلر سؤيلهنديكلري كيمي ايلك حرفدن سونرا اويغون سسلي آرتيريلميش اولاراق يازيلماليديرلار:

 

اؤرنهكلر: قيرامئر (گرامر يئرينه) پيلان (پلان يئرينه) پيرينسيب (پرنسيب يئرينه) كيلاسيك (كلاسيك يئرينه) بوروكسئل (بروكسل يئرينه) قوروپ (گروپ يئرينه) پێروقرام (پروگرام يئرينه)

 

 

١٧- كسمه ايشارتى " ́ "

 

اؤزهل آدلاردان سونرا كسمه ايشارتي " " ايشلهديلمهليدير

 

اؤرنهكلر: صمد́ ين آنما مراسيمي؛ تبريز́ ين جاوابي گئج گلدي؛ منيم سولطانيم علي́ دير؛ پيرسولطان́ ام، نسيمي́ دير پيريميز

 

 

١٨- قيسسالديلميش سؤزجوكلر

 

قيسسالديلميش سؤزجوكلرده هر حرفدن سونرا نوقطه " ּ " ايشارتي قويولمالي و هر نوقطهدن سونرا بير آرا وئريلمهليدير

 

اؤرنهكلر: ب م تּ (بيرلهشميش ميللتلر تشكيلاتي)، ع ا صابير (على اكبر صابير)، و س (و ساييره)