بابک قالا سى قورولتا يینا قاتيلانلارا موراجيعت

 

عزيزوطنداشلار!

ایسلام جومهوریتی بو ایلده گئچن ایللرکیمی وار گوجونو ایشه سالیب کى، ایران تورکلرينين وآذربایجان خلقی نين بابک قالا سى نین مراسیمینده ایشتيراک ائتمه لرينين قاباغين آلسين!

 

بابک قالا سیندا يیغیشيب مراسيم گئچیرمگين اؤزو اؤزلوگونده بیر بؤیوک مدنی نافرمانلیق دیر! یعنی نیظامین مقورراتینی ودستورلارینی لغو ائتمک وقاباغیندا ديره نيب دورماق دئمک دیر!

 

ایسلام جومهوریتى نین شیدتلی سیخما-بوغماسینا باخمایاراق، کوتلوی ميقیاسدا قورولتايدا ايشتيراک ائتمک، ایستر-ایسته مز ایسلام جمهوریتى، آشیری فارس ناسیونالیزمی وشوونیزمى نین قاباغیندا دورماق دئمک دیر!

- میلی کیملیگين قوروماسيدير!

- میلت لرین اؤز موقدراتینی تعیین ائتمک حقیندن مودافيعه سيدير!

- ایجتيماعی عدالت، دموکراسی واینسان حقلری اوغروندا دؤيوشمکدير!

- جینسی آپارتایدین لغوی ایچون موباریزه ائتمکدیر!

 

عزيز ديلداشلار!

بابک، ایندی ایران تورک ميلتى نین و خوصوصن آذربایجان خلقى نین ميلى موباریزه سى نين تمثيلچى سيدير.

 

بابک مراسيمى، تورک میلتی نین وآذربایجان خلقی نین یئنيدن دوغولماسينی و اؤز ميلى کیملیگينه وهویتينه صاحيب دورماسينى وورغولايير!

 

قویمایاق یانلیش ونیفاق تؤره دن شوعارلار تورک میلتى نین وآذربایجان خلقى نین بو مؤحتشم وعظمتلی ييغينجاغينى پارچالاسین! قوى بابک قالا سى نین مراسیمی وبابکین دوغوم گونو ایران تورکللرینین بیرلیک گونو اولسون! دونيا گؤرموش آتا آنالاريميزدئميشکن گوج بیرلیکده دیر و بيرليک ديريليکدير!

 

ایران تورکلرینین مساله سی اصلینده سیاسی بیر مساله دیر! بو مساله نی چوزمک آنجاق وآنجاق ایسلام جمهوریتینی آرادان قالدیرماق ایله مومکوندور! بونون اوچون گرک تورک ميلتى وآذربایجان خلقى موتشکيل اولسون و اؤزو- اؤزونون سیاسی تشکیلاتلارینی قورسون! تشکیلاتسیز هئچ بير مقصده چاتماق اولماز!

 

عزيزیولداشلار!

جمهور قالا سیندا قورولان قورولتای آذربایجان خلقى نین وتورک میلتی نین ميلى قورتولوشواوغروندا آپارديغى موباريزه ده بؤیوک اهمیته مالیکدیر!اونون ساغلامليغى قورونماليدير ميلى قورولتاى هر هانسى بير قوروپون و شخصين ايسته گينى يوخ، بلکه ميلتيميزين ايسته گينى تمثيل ائدير!

 

یاشاسین ایران تورک لرینین ميلى قورتولوش اوغروندا موباريزه سى!

 

آذربايجان.فدرال- دموکرات حرکاتى نین ايجراییه هئياتی