منه شاعير دئمه، مجنون-ى بو لئيلايام من- اميري سنقري

 

آزربايجان ادبيياتي گؤيوندن بير اولدوز قايدي

تورك شئعري، بؤيوك بير اوستاسيني داها ايتيردي

از وئبلاگ سونقور- آذربايجان

http://sonqur-az.blogspot.com/

سؤزوموز- مهران بهاري

چاغداش تورك شئعري و آزربايجان ادبيياتينين گؤركملي اوزاني، "روحوللاه اميري سونقورلو" (روح الله اميري سنقري) ٩٥ ياشيندا ياشاما ويداع ائتديּ

منه شاعير دئمه، مجنون-ى بو لئيلايام من- اميری سنقري

آدي روح الله اميري و تخللوصو اميرديرּ گونئي آزربايجانين ان اوجرا بوجاغيندا يئرله شه ن سونقور شهرينده دونيايا گؤز آچميشديرּ بو سئچگين شاعير آزربايجانين سونقور بؤلگه سينده ايلك مودئرن اوخول سيستئمينين تمليني آتانلار آراسيندادير (تاسسوفله بو اوخوللار فارس ديلينده ايدي)ּ اميري اوتوز يئددي ايلدن آرتيق دؤولت ايشلرينده -ايلك باشدا اؤزونون آچديغي بو يئني اوخوللاردا اؤيره تمن اولاراق و داها سونرا ائلئكتئريك ايداره سينده- چاليشميشديرּ

اميري فارسجا، توركجه و كوردجه اولماق اوزره اوچ ديلده شئعرلر يازميشديرּ ايللرجه سهيل ادبي درنه يينين باشقانليغيني يوروده ن شاعيردن گونوموزه "نجواي سهيل" آديندا توپلومسال، سئوگي و عيرفان ايچه ريكلي بير شئعر ديواني قالميشديرּ اميرىنين فارسجا شئعري، مركزدن اوزاق كيچيك بير شهه رده ياشاديغي اوچون تانينماسا دا، سون درجه گؤزه ل، حتتا اوستاد شهريار شئعرى قده ر گوجلودورּ

اميري ياراديجيليغينين اصيل اؤنه م و ديه ري، يازديغي توركجه شئعرلرينده ديرּ او توركجه يازيب سؤيله يه ره ك تورك خالقي، سونقور، آزربايجان و تورك شئعري و ديلينه بؤيوك بير خيدمتده بولونموشدورּ

آشاغيدا اميريندن بير شئعر سونولموشدور:


شهريميزين ديلى

شهريميز شمع-ى شبوستانينا پروانه، منم
داغينا، داشلارينا عاشيق-ى ديوانه، منم

گتدى دونيايا خودا چونكو بو تورپاقدا منى
وئرمه يه ن تورپاغينى مولك-ى سولئيمانا، منم

چوخ عزيزدى وطنيم، چوخراق عزيز هموطنيم
بو محببتده اولان عالمه افسانه، منم

ميللتى خورد-و ايرى گؤزلريمين ايشيغيرى
دولانان باشلارينين دؤورونه پروانه، منم

جانيم ايران٫ وطنيم سونقور٫ اؤزوم تورك زبان
پاكباز عاشيق اولان ميهنيم ايرانا، منم

منه شاعير دئمه، مجنون-ى بو لئيلايام من
شبنم-ى اشكى وئره ن جيلوه گولوستانا، منم

يازمامي سونقورا تاريخ-ى مودوون بيريسى
بو جهتده گئچه ن اييامينا بيگانه، منم

خوشنوا بولبولو چوخ وار بو گولوستانين، "امير"
مور-ى ميسكين كى ييغار زحمتينه دانه، منم.

روح الله اميرى سونقورلو