ماحمود آغا شاطریان حاقدا بیر آغی بیر یازی
رضا حسینی
..

آغي

آرخانا باخمادان
ائينالينين دوزلاغيندا
بوراخيب اوشاقلاري
گلدييين يئره گؤ
مو
لدون.

آغلايان باياتي شيرازيندا
آچيلميش اللرينه اوز دؤندردين.

و تانرينين يئددي اوغلونو
آرخانا دوزوب
سئحرلي تورپاغين اوجاغينا قوندون.

گؤز ياشلاريميز باغمئشه سئگاهين دا
يئتيم قالدي
و ائليم باشسيز.

آرازين تاردان تاريخه دام
دام
دي،

تاري چيچك بيتميش
بئجرديين اوغول لارين.

چالديغين او روحاني قايتاغيدا
باخ ايندي بارماقلارين ياللي سينا.

گؤي يئري اؤپندن بري
دونيا هئچ دويماميش بئله
ساوالان سئوگيسيني بارماغيندا.

گولوش جينگيلتيني سيلمه تارا اؤيرنميش قولاقلاريميزدان

يالواريرام، دؤن بيرده باخ
لالرده بوراخميش ايزلرينه.

ائینا لينين سئحرلي سحريندن
گونش پارتلايير

بئيلانكي اوجاغينا.

دؤن باخ، يالواريرام

محمود شاطريان آذربايجان موسيقي سينين اؤيرتيم باني سي دونياسيني ده ييشدي..

هانسي گول چؤهره ني مشهور زامان ائيله مه دين
ديللن ائي سئوگيلي تاريم من اؤلوندن سونرا..
باغمئشه سئگاهي يئتيملشدي
آغلا تار

بو آجي خبري شنبه گونو سحر ائشيدركن اوره ييميزي غم بورودو، يوردوموزدا قارا يئل اسدي. محسن اوغلو ماحمود آغا شاطريان 1323 اينجي ايلده تبريزين اهراب محله سينده دونيايا گؤز آچير. گنجليكده ايدمانا اوز گتيرن ماحمود آغا بؤيوك اوغورلار قازانير آما ايچينده كي سئوگي و وطن يانغيسيني ايدمان سؤندوره بيلمير. سرابدا دايي سينين عكاسخاناسيندا ايشله ين زامان عيسي خان باربد ايله تانيش اولور و اوندان تار اؤره نمه يه باشلايير. تبريزه كؤچدوكده بو ايشي عبدل آغا يزداني ايله دوام ائتديرير.

40 اينجي ايللرين سونوندا عبدل آغانين واسيطه سي ايله فرهنگ هنر اوركسترينه داخل اولور و هنري ياشامي يئني بير دؤنه مه گيرير. انقلابدان سونرا نئچه ايل باشقا اؤلكه لرده قالاندان سونرا تبريزه قاييدير و خميني موسيقيني اشكالسيز اعلان ائتديكده ايلك ماحمود آغا مكتب آچماغا قرار وئرير. اوشاقلار، گنجلر مكتبه اوز گتيريرلر و ماحمود آغانين ايللردن بري بئينيده اولان اؤيرتيم دوشونجه سي پراتيك حاله گلير. ايلك اوركئسترلري قورور، كؤنسرتلر باشلانير، و موسيقي يه قارشي اولان دؤولت آرتيق دالي اوتورماق دوروموندا قالير. 70 اينجي ايللرين ايلك گونلريندن قيزلاريميزدا موسيقي مكتنبلرينه گليرلر، قيز اوركئسترلري قورولور و آرتيق قيزلاريميزدا موسيقي صحنه لرينده اولورلار. ماحمود آغا گون دوشونجه سينه گؤره ماهنيلار يازير و تئلئويزيونلاردان ياييلير.

ائله بو ايللرين سونلاريندا آجي بير خبر ياييلير؛ اوستادين بيري بيردانا قيزي لاله ايكي ايل كئفسيزليكدن سونرا دونياسيني ده ييشير. اوستادين اوره ييني داغلايان بو حاديثه عؤمرونون سون گونلرينه قدر اوستادي بوراخمايير. هميشه اؤيرنجيلرينه اؤز اوغلو و قيزيلاري كيمي باخان اوستاد عؤمرونون سون آنلاريندا اوغلو آيديني يانينا چاغيرير و دانيشماغا گوجو اولمادان، ايكي اليني بير يئره سيخير و دئييركي: بير بيریزدن آيريلمايين آماندي..

نه گؤزل كي اوستادين اؤيرنجيلري ايندي بير ايكي دانا يوخ يوزلرجه قيز و اوغلان اوركسترلرده چاليشيرلار و يئني يازديقلاري كتابلار و ايشلري ايله آذبايجانين اوغورولو موسيقي گله جه يينه يوللار آچيرلار. ایندي تبريزده سنفونيك اوركئستر وار، ميللي خالق چالغي آلتلر اوركئستري وار و اوتوز دانايا ياخين موسيقي مكتبي.

نه يازيقلارايران اؤلكه سينين فرهنگ باشچيلارينا كي حتتا اوستادين عؤمرونون سون گونلرينده ده اونا بير آغيرلاما تؤره ني توتماغيدا اسير گه ديلر

.

ماحمود آغانین تورپاغا تاپشیریلماسیندان شکیللر
تقی قیصری

 






































ماحمود آغانین اوغلو آیدین











شاطریان موسیقی مکتبی نین امکداشی، ماحمود آغانین یولداشی آغا میری











رضا حسینی (ماحمود آغانین تار شاگیردلریندن)