يئنی نشر

 

آذربايجان دموکرات فرقه سی، ۲۱ آذر حرکاتينين ۶۰ ايلييی مناسبتی ايله آذربايجان خالقينين آزادليغی اوغروندا مبارزلر آدلی آلبوم- کتاب نشر ائتميشدير.

 

بو آلبوم- کتابدا مشروطه حرکاتی(۱٩٠۵- ۱۹۱۱)، شيخ محمد خيابانی حرکاتی(۱۹۱۸- ۱۹۲۰) و ۲۱ آذر حرکاتی(۱٩٤۵- ۱۹٤۶) ايشيقلانديريلميشدير. عينی زاماندا همين حرکاتلاردا فعال اشتراکچیلارينين شکيللری وئريلميشدير. خصوصیله آذربايجان ملی حکومتینين سندلری او جمله دن ملی حکومتين برنامه سی، اعلاميه سی، آذربايجان خالقی ايله کورد خالقی آراسيندا باغلانميش دوستلوق مقاويله سی اؤز عکسينی تاپميشدير. همچنين شاهليق رژيمينين آذربايجان خالقينا قارشی حياتا کئچيرتدييی ملی ظلم گوستريلميشدير.

 

 

آلبوم- کتابدا، آذربايجان دموکرات فرقه سينين آپارديغی تعليم- تربيه ايشلری و مهاجرلرين اقتصادی، تصرفات، علم و تربيه ساحه سينده گوسترديکلری نائليت ايشقلانديريلميشدير. بو آلبوم- کتاب آذربايجان خالقينين گله جک نسلينه ابدی يادگاردير.

 

بو آلبوم- کتابی ايسته ينلر ايميل واسطه سی ايله آذربايجان دموکرات فرقه سينه مراجعت ائده بيلرلر.

 

http://www.adf-mk.org/