ایران آذربایجانی دیل و کولتور اوجاغی نین منشوری

 

 

 

1 --  آدی:  ایران آذربایجانی دیل و کولتور اوجاغی کانادا

2 --  ایران آذربایجانی دیل و کولتور اوجاغی، منفعت گودمیه ن بیر موسیسه اولوب دوشونجه و فیکیر سانسورونون هر جورونه موخالیف دیر و بیان ائتمه نین حد سیز و استثنا سیز آزادلیغیندان یانادیر.

3 --  اوجاغین رسمی دیلی آذربایجان تورکجه سی دیر.  اوجاغین رسمی و اداری موکاتیبه لری، آذربایجان تورکجه سی، اینگلیزجه و یا فارسجا دیللرینده اولار.

4 --  اوجاق هر جوره قابالیق و تبعیض ایله و هابئله ایرق، مذهب، جینسیت و دوشونجه تحقیری ایله موخالیف دیر.  اوجاق فردلر، گروه لار، قوم لار و میللیت لره قارشی سم پاشلیغا و آیریجا ایراندا و یا ایرانین ائشیگینده اولسون ایران قوم لاری، میللیت لری و ایرق لاری آراسیندا تفرقه چیلیگه ده قارشی دیر  

5 --  اوجاغین هئچ بیر دؤولت، سیاست، مذهب، ایرق و میللی تشکیلاتا باغلیلیغی یوخدور.

6 --  اوجاق بیر منفعت گودمیه ن تشکیلات کیمی فردلرین و موسیسه لرین هدیه لرینی، اؤز هدفلرینی ایره لی یه گؤتورمک قصدی ایله، قبول ائده بیلیر.

7 --  اوجاق، شعر و ادبیات گئجه لری، موسیقی کونسئرت لری و تئاتر نمایش لری و هابئله سئمینارلار و کولتورایجلاسلاری و اینجه صنعت گالئری لری ترتیب  وئرمک و نشرییه لر چاپ ائدره ک آذربایجان تورکجه سینین و آذربایجان کولتورونون یاییلماغی و اشاعه سیینه کومک ائدر.

8 --  اوجاق، آذربایجانین کولتورل و ادبی میراثینی باشقا کولتور لره، اؤزه للیک له ایران کولتورلرینه تانیتماغیندا، او کولتورلرین، درنه کلری و موسیسه لری ایله ایرتیباط قورماق و موشترک ایجلاسلار ترتیب وئرمک یولو ایله بو جهت ده چالیشار.

9 --  اوجاق آذربایجان تورکجه سی کیلاسلاری قوراراق آذربایجان تورکجه سی نین یاییلماغینا و اشاعه سینه چالیشار.

10 --  اوجاغین کولتورل و ایجتیماعی پروگرام لاری آذربایجان تورکجه سی، فارسجا و اینگلیزجه و سؤز آپاران و موخاطیب لرینه گؤره، هر بیر دیلده آپاریلار.

11 --  بو منشوری، ا ساسنامه نی و " بیر ضرورته بیر مقدمه" نی ایلک تنظیم ائدیب امضالایانلار، اوجاغین قوروجو هئیاتی اولوب، اوجاغین تاریخینده یازیلماق اوچون آدلاری قئید اولونار، آنجاق قورولتای ایجلاسی قورولونجا، اونلاردا عادی عوضو ساییلارلار.

12 --  ایران آذربایجانی دیل و کولتور اوجاغی نین مرکزی، کانادا اولکه سینین، اونتاریو ایالتی نین، تورونتو شهرینده دیر.

13 --  اوجاق " بیر ضرورته بیر مقدمه" نین، منشورون  و اساسنامه نین اوصوللاری چرچه وه سی ایله چاخیشمایان بنزه ر فعالیت لری اولان موسیسه لرله ایش بیرلیگی آپارا بیلر.