ميللي آذربايجان جمهورييتي نين قوروجوسو محمد امين رسولزاده اوچون آنيت مزاري آچيلدي

اؤيرنجي نيوز: ميللي آذربايجان جمهورييتي نين قوروجوسو و ايلك دؤولت باشقاني محمدامين رسولزاده اوچون آنيت مزاري، دوزنله نن تؤره نله آچيلدي.

بو تؤره نه اسكي باخان انيس اؤكسوز، توركيه بؤيوك بيرليك پارتيياسي باشقاني محسن يازيجي اوغلو، آذربايجان- ين آنكارا بؤيوك ائلچي سي ذاكير هاشيم اوف ايله آذربايجان ميللت وكيللري، آكادئميسين لر و وطن داشلار قاتيلدي.

تؤره نده بير دانيشان توركيه آنيت لار درنه يي باشقاني دوكتور جلال آچيق گؤز، رسولزاده ين مزاريندا چئشيدلي زامانلاردا ايش لر آپاريلديغيني آنجاق كؤنوللرينين بونا راضي اولماديغيني سؤيله دي. آچيق گؤز، رسولزلده- نين آدينا ياراشير بير آنيت مزاري اوچون درنك لرينين بير چاليشما باشلاتديغيني و آذربايجان- ين قورولوش گونونده آنيتين آچيلماسيني قارارلاشديرديقلاريني ايفاده ائتدي.

آنيت مزارين آچيليش تؤره نينه قاتيلان آذري يئتكيلي لر ده رسولزاده- نين ترك دونياسي اوچون گؤردويو ايشلره ديققت چكيب، آنيتين آچيليشيندا زحمت چكنلردن تشككور ائتديلر.