سايت شمس

بابک قالاسی توریستی یا نظامی سیاسی

محرم خوشنام

ایللردیرکی من باشقا آذربایجانلی‏لارا تای اؤز مدنی و دونمال ایسته‏ک‏لریمی ایران اسلام جمهوریتینده‏ن طلب ائده‏رک عباسی خلیفه‏لرینین دیزه چؤکمز و باریشماز دوشمانی ایگید بابکین آزادلیغا دوغرو اوره‏یی چیرپینان قلعه‏سینه گئدیب و او قهرمانین دوغوم گونون قوتلاییب و اؤز سسیمیزده اؤلکه‏یه یایب اؤز میللی گونوموزو توتاردیق ولی کئچن ایل 1383 ده تیر آیی بیر باشقا دون گئی دی خالقین تکجه تیریبونو اولان بابک قالاسی بیر نظامی سیاسی منطقییه چئوریلدی دئدیک بلکه اؤتن ایل ائله اولدو بو ایل بیزیم له مدنی بیر اینسان کیمی رفتار ائده‏رلر ولی ائله اولمادی کئچن گونلریم هه‏ده‏ردی گلن گون اوندان به‏تردی.

1384 نجو ایلین تیر آیینین 9 یعنی جوما آخشامی کی ساباح شانلی بابکین بو کیرلی دونیایا گؤز آچان گونو ایله برابر اولوردو، من ناهار چاغی اوره‏گیمد گوجوم چاتمایاراق بابک قالاسینا دوغرو یولا دوشدوم ئتک بیر دوستوملا.

اهر شهرستانیناجان 3 یئرده بیزی آختاریردیلار من اؤز ایچیمده بوغولموشدوم، نییه؟ مگر بیز بورالی دئییلیک مگر باشقا اؤلکه‏یه گئدیریک، نه ایسه اهری چیخان باشدا بؤیوک بیر آختاریجی قوروپا توش گلدیک، بیزیم قارشی‏میزی که‏سیب آختارماغا باشلادیلار. ارشاد اسلامی طرفینده‏ن ایزنیلی بیر مغنی پوسترین ماشیندان گؤتوروب بیزی‏ده ماشیندان دوشوردوب ان بؤیوک قاچاقچی کیمی بیزیمله رفتار ائله‏دیلر نه ایسه چوخ چه‏تین لیک‏له کلیبره چاتدیق ایلک گیریشده ماشین‏لار ماشینا سؤیکنمیش ائله بیل یولا دووار چکمیشلر ان آزی 150 سواری بلکه 700 نفره یاخین کیشی آرواد اوشاق یولدا قالیب‏لار مامورلار چوخ آجی و اوجا سسله گلدیگیز یئره قایدین دئییرلر آمما ملت‏ده نه قاییدیر نه‏ده کلیبره کئچه بیلیر، سیرا بیزه چاتدی ماشینی سؤکدولر آختاردیلار هئچ تاپمادیلار یالنیز ایکی کیسه خواب بیر ناجاق دان سونرا، او حال گؤزوم بیر بؤیوک یازییا دوشدو بئله یازمیشدیلار (منطقه ممنوعه نظامی) چوخ دوغروخدوم مبیر سرگرد واریدی اونا دئدیم به‏ی بورا نه وقتده‏ن نظامی یئر اولوب آخی بورا توریستی یئری‏دیر.

سرگرددان اؤنجه بیر شخصی واریدی چوخ آجی و توت منه دئدی سنه قالماییب جهنم اول قایید تبریزه بوردا تؤکوبلر نه ایسه بنزین‏ده یوخوموزودور چوخ چتین بیزده‏ن بئله لیکله کارت ماشینی و گواهینامنی آلیب بیزه بیر ساهاد اجازه وئردیلر گئدیب بنزین ویریب قاییداق کلیبرده‏ن قله‏ ده‏ره‏سینه‏ده‏ک ان آزی 500 یئرده فیلم گؤتوروردولر ماشین‏لارین پلاک‏لارینی و رنگی‏نی یازیرلار بو آن منه بیر فیکیر گه‏لدی دئدیم آللاه گؤره‏سن بورا ایران دئیل یا بیز بورالی دئییلیک یا ایلده بو نئچه گونو بو منطقه‏نی باشقا دؤولته اجاره‏یه وئریرلر، یادیما فلسطین‏لي‌لرين اوردوگاه‌لاري دوشدو آما اسرايللي‌لار بونلاردان يوموشاق ترپنيللر،

گون باتار باتماز قلعه‌ ده‌ره‌سينه چاتديق دسته دسته قول چوماقلار خالقا يان يان باخيرلار نييه گؤره‌سن بو خالق بولارين دئيل يا بونلار بو خالقدان آيريدير؟

بيلمه‌ديم نه ايسه شام اولدو بيز هئچ نه آپارماميشديق اوردا شام آليب يئديك بير بالاجا شعر توپلومو قورولدو ياريم ساهاد سونرا اولاما سسي قلعه ده‌ره‌سين بورودو.

آغالار : آغينا بورونا ياشينا قوروسونا باخماديلار كؤتك كارليق باشلاندي گون اوزو توتولدو بير نئچه ديقه‌دن سونرا آمبولانس گلدي ياخشي بيلمه ديم كي كيم دؤيولدو آما دؤينلر اوچ دؤرد تويوتايا اوخشار قارا ماشينلا گلميشديلر و گئتديلر او حال سوباي گئدنلره دونيا سونا چاتدي بير چوخ چه‌تين اؤزوموزو قورتاريب گليب كارت ماشيني و گواهي نامني آليب تبريزه يولا دوشدوك يولدا كليبرده‌ن اهره‌جن اولان يولون اوچ‌ده‌ن بيري چادر و ماشين‌لا دولويدو، آغالار آداملاري كؤتك و ماشين‌لاري ده‌ره‌يه ايته‌له‌مه‌ينن خالقي دالي قايتماغا مجبور ائتديلر بيسر سؤزوم وار (نه ائديم گوجوم گوجونه چاتمير دؤلتده قوشون وئرميه) بيز چوخ چتين كارتي ماشيني و گواهيني آلديق من اوندان اوچ گون قاباق تلفني ياساقلانميشديم، من بيلميره‌م بيزيم قارا باختيميزي اولو قارا داغدا كيم يئني‌ده‌ن قارالادي قاراكيليسه‌ده ارمني‌لر مجلس آپاراندا دؤولت اؤزو حمايت ائدير آمما 30 ميليون توركو اؤزو داغينا قويمور اؤن سؤزو سيزين سون سؤزده اؤزو اؤمچون اؤزوده بيچين من باش تابباديم كي ان گئري قالميش بير حقي‌ده بيزه چوخ گؤرورلر.