يئنی آچيلميش سايتلاردان:
http://www.azadtabriz.com 

 

 

دونن منه ضربه ووران بو گون مني سالاملادي

بو گونلر گونئي آذربايجاندا آغير دوروم سورولور، بير بويوك ميللي چيخيشدان سونرا حاكيمييت سيخينتيلارين آذربايجانين ميللي حركتينين فعاللارينا چوخالديب و هر سسي بوغماق قصديني دويماق اولور.

ميللي قيامدان سونرا بير پارا گؤرهولر بيزيم حركتچيلرين گؤرهويدير كي بيز بو گؤرهولرين يئرينه يئتمهسيله حركتده بير بويوك اوغورلار الده ائده بيلرديك، آنجاق تأسسوفلر اولسون كي بيز اؤز گؤرهويميزي يئرينه يئتيره بيلمديك. بو گؤرهولردن بيريسي بو قييامي ميللت اوچون آچيقلاماغيدير كي بيز ميللتين موراجيعتينه جاواب وئرمهليديك، بيز اؤز ميللتيميزه بير سيرا بيلگيلر چاتديرا بيلرديك، حاكمييت ميللتده بير قورخو آتوموسفري ياراديب، بيزيم ايشيميز بو قورخو آتوموسفرين سينديرا بيلردير، شهيدلرين سايي بللي اولمالي، ياراليلار درمان اولمالي، دوستاقدا اولانلارين سايي دقيق بللي اولمالي، آذربايجاندا گئدن جنايتلري دونيادا تانيتديرماليديق، و بير قهرييه قووهسي ده اولماليدير شهرلرده ساتقين آداملاري يئرينه اوتولدا.

ايندي زامانيدير بوتون سندلر(فيليم، شكيل، دانيشيقلار، سسلر، ايمضا توپلولاري و .....) آذربايجانين بوتون شهرلريندن ييغيلا و اولوسلارآراسي اورگانلارا وئريله و بو جينايتلرين محكوملوغوندا بوتون اينسان حاقلارينين مودافيعه اورگانلارينين طرفيندن بيانييهلر وئريله و بيز بو عظمتليكده ميللي چيخيشي دونيادا رئكلام ائلهمهليديك.

بو سايديغيميز ايشلردن بعضي ايشلر سينيق سالخاق گورولور و گؤرولوب، آنجاق چوخ ايشلر گؤرولمويوب و هلهده يئرده قاليب. بعضي يولداشلار ايچريده كوميته قوروب و حاكمييته ياخين آداملاريلان اوتوروب دوروب و بو ايشلرين يئرينه يئتيرمهيينين ايدعاسينداديرلار، آنجاق بو دوستلاريميز دانيشماقا الي دولو گئتمهييبلر و دانيشيق يولونو باجارماليديرلار، نييهكي حاكيمييت اونجهدن بير سيرا اؤز نيرولارين بيزيم حركته ياخين گؤسترمكله، اونلاردان بو گونلرده فايدالانماق ايستهييرلر و بيزده اونلاري اؤنجهدن اؤزوموزه ياخين گؤردوكده كوميتهنين يارانماقينا ماراق گؤستريب و يولداشلارين هر نقدينهده دؤزمك ايستهييريك و بونو سياست عالمينده گركلي گؤروروك. آمما بيزيم يولداشلار بونو بيلمهليديرلر كي هر دانيشيق اونجهدن پلانلاشماليدير، و يئري گلنده الي دولو و دالدادا تمشييتلر وئريليب و دانيشيقا گئدنلر هر دوروما اؤنجهدن آچيقلاماليديرلار و بير توپلومون سسين يئتيرمهليديرلر، و ايرسه بير كس قرار اولسا رئكلام اولا، اودا اؤز يولداشلاريميزديرلار نه حاكيمييته باغلي اينسانلار. عيني حالدا حاكيمييت بو آداملارينان، بير سيرا اؤز سياستلرين و پلانلارين حركتچيلرين ايچينده يئرلشديرمك ايستهيير و بو سياستلريده گيزلي شكيلده حركتده يئرينه ساليرلار. قورخونو سياسي داورانيشلارلا بيزيم گنج حركتچيلريميزده يئرينه ساليب و حركتچيلري بئله باشا ساليرلار كي ايندي بير آز خطرلي دورومدور و اؤزونوزو قوروماليسيز، و بئله بئله تمشييتلرله حركتچيلري اينفيعال چكمك ايستهييرلر و بير تهرانا باغلي و يا تهران مركزلي دوشونجهني ياراتماق قصدينه گليرلر و بو هدفلريندهده اوغور قازانيرلار نئجه كي شهرلرده تهرانا گؤز تيكيب و رئكلام گؤزلهييرلر. كوهنه سياستچي لر بو آرادا اؤز منفعتلرينه چاتيب و سياسي مهرهلر اؤز ايزلريني بوراخيرلار. دوز او زامانكي بيزيم ايشلريميز سورعته مينمهلي و ايچريده چاليشمالاريميز داها آرتماليدير، قورخو چؤكورولدورولور ميللتچينين جانينا و حاكيمييت اؤز ايستهدييني يئرينه يئتيرير. ميللت بيزه موراجيعت ائتديي زامان بيز گيزلنمك فيكرينه دوشوروك يا حاكيمييتينن دانيشماق فيكرينه، و اؤز ايچيميزدهده ايختيلافلار يارانير. بيز جسارتلي يولداشلاريميزي قيناييريق و اونلارين عليهينه مقالهده يازيريق. بيز يولداشلاريميزي آشيري آدلانديريريق. بيزدوشونمهلييك كي چئشيدلي فيكيرلر بو حركتده واردير و بيزده بو فيكيرلره حؤرمهتيلن ياناشمالييق(هر فيكيركي آذربايجانين ميللي منافع اساسينين اوغروندا اورتايا قويولور) عيني حالدا نقد اولونمالي آمما پوزولماماليدي.

بيزبيلميه بيلميه دوشمانلارلا ال بير اولوب اؤز يولداشلاريميزين تاپتاماق قصدينه گليريك و دوشونوروككي بيزدن يوخاري دوشونن يوخدور. هر بير موباريزهنين بير سيرا هزينهلري واردير و بيز هر هزينهيه دؤزمهلييق. نه دانيشيقدان قورخمالييق نه ده موباريزهدن، بيز موباريزه زاماني پلانلاشميش دانيشيقا گيرمهلييك، بيز ديرنمهلييك. دونيانين هئچ بير ميللتي موباريزهسيز اؤزگورلويه چاتا بيلمهييب و موباريزه و ايستيقلال روحون بير موباريزهده اولان ميللتدن آلسان، او ميللتين اؤلومونه سبب اولوبسان.

دونن منه ضربه ووران بو گون مني سالاملادي پيچاق ووران اللريله سيغارلادي تومارلادي

آلدانماياق گئدهلرين بير اؤزو مين جاني واردير اوزده قوزو گؤرونسهده ايچريدن جاناواردير

(خليل رضا اولو تورك)

بيزيم بو آخساقليقلار بونلاردان قايناقلانير:

1-   بيزيم حركتده اولان يولداشلار عيني حالدا كي اعتيقادلاري مدني بير حركت چرچيوهسينده آدديم آتماقادير، بير مدني آدديم آتماقين يولونودا بيلمهييرلر. هر بير مدني داورانيشا بير سيرا دستكلنمهلي اؤرگوتلر گركليدير كي آذربايجانين بوتون تورپاقلاريندا و ديشاريدا گئنيشلنمهلي و پلانلاماليدير.

2-   اؤرگوت سيزليك آذربايجانين ميللي حركتين ايچريده بير آچماز حالينا ساليب، هر كس بير بير اؤرگوتلنمهيي دوشوندوكده، هئچ كس بو اؤرگوتون قورماغينا آدديم آتمير البت بونون سببي اؤرگوتلنمهدن يارانان قورخويا قاييدير.

3-   بيزيم ديشاريدا بير سيرا اؤرگوتلريميزده وار، كي بو اؤرگوتلرده ايچرينين دورومون دريندن دوشونمهدن و سيخ ايلگيده اولمادان بير سيرا چتينليكلرده يارالديرلار. عمل ميداني آذربايجان اولدوغونا گورهده تصميملر ايچريده پلانلاشماليدير، البت بونو بئله دوشونمهمهلييك كي ديشاريدا اولان يولداشلار حاقلاري يوخدور تصميم توتالار، يوخ، بلكه ايچريده اولان اؤز گوجونه باخاراق آدديم آتماليدير.

4-   هئچ بير اؤرگوت حاققي يوخدور آذربايجانين ميللي حركتين بوتونلوكله منيمسهيه و اؤزونه چيخا، عيني حالدا هئچ كس حاققي يوخدور آذربايجانا باغلي بير اؤرگوتو ييخماقا يا پوزماقا چاليشا. هر آدديم كي آتيلير آذربايجانين ميللي منافع اساسيندا اولماليدير.

5-   گلهجكده بيزيم حركته بير حجمه دايانديريجي قووهسيده گركلي گؤرونور.

6-   بيزيم بير خبرآگئنتليميز اولمادان بيزيم بير چوخ خبرلريميز ايچريده يانيرديلار. بير سيرا سايتلار و گوناز اولماغينا باخماياراق بيزيم يئنهده بير سيرا خبرلريميز گؤرولمهديلر، هر خبرده كي يوللانيليب بير شخصي علاقهيه باغليدير، ياني بير سيستم بو خبرلري آلماقدا و يايماقدا يوخودور.

7-   بيزيم هر ايشيميز آماتور حدديندهدير، آمما بونا باخماياراق ميللتيميز ميللي وارليقلارين قوروماق اوچون گؤزل بير تبگي گؤستردي. بيزيم بو تبگييه حاضيرليقيميز يوخودور. آنجاق دورومون اينسانلارا باغلي اولدوقلاري اوچون بيز چوخ زامانلاز گؤزلهنيلمز اولايلارا اوز گلهجهييك و بيز اؤزومونوزو هر بير دوروما حاضيرلامالييق و بونادا تكجه بير يول واردير اودا ايچريده اؤرگوتلنمكدير.

ساغ اولون - اتابك مرادي

 

 

 

 

سانيوزدان ايکی خبر: http://sa-news.blogfa.com/

سخنان اکبر گنجی در باره زندانيان سياسی

ادامه بازداشت رضا عباسي عضو سازمان دانش آموختگان ايران در زنجان