فارس مدنیت راسیستلری و پان ایرانیستلری نین "دولتِ ملت" حئکایه لری

 

ایشیق سؤنمز 20.09.2007

کئچمیشده خان یوخسا دره بگی اؤزونو بیر قوروپ واسیطه سی ایله اؤزو ایلیشگیسی اولان خالق یوخسا باشقا خالقلارا تحمیل ائتمک ایله شاه زامان کئچیدی ایله شاهنشاه (خانلار خانی) دئیه اورتایا چیخارمیش. دئمک مودئرن سوسیولوژی و ائتنولوژی گؤروشلرینه اساساً شاه میللت تمثیلچیسی و حاکیمیتلرین باسقیسینا معروض قالان توپلوملار دا اؤز ایراده لرینه یییه اولمادیقلاری اوچون میللت بیچیم و فورماسیندا چیخیش (تظاهور) ائده بیلمزلر. بئله لیکله تاریخده کی خان خانلیق (شاهنشاهی) و خانلیق (شاهی) حاکیمیتلرینی بیر میللی حاکیمیت دئیه آدلاندیرماق دوغرو و دوزگون گؤرونه بیلمز. بو پارامئترلری نظره آلاراق ایران ممالیکی محروسه سی اوزره فارس باستانچی، مدنیت راسیستی و فاشیستلری نین تورپاق ایددعالاری اوزره نظر سالماغا چالیشاق. پان ایرانیستلرین "فرمان آریا" آدلی سیته لرینده میللت مقوله سی اوزره یازیلمیش یازی نین بعضی پاساژلارینی نظردن کئچیرمکله دوشونجه لریمیزی یکونلاشدیرماغا چالیشاجاییق. اوخویوروق:

"...  موضوع  پیدایش دولت ملت ها در جهان پدیده ای اس که پیشینه ی چندین سده ای دارد.در جهان امروز تنها اندک شماری از ملت های ریشه دار وجود دارد که سابقه ی شکل گیری ملت در آنها به هزاره های پیشین می رسد."(1).

اوسته کی "دولتِ ملت" مقوله سی نظره آلیندیقدا ایلک اولاراق بیر میللتین نه اولدوغو توپلوم (ایجتماعیت) اوچون ایضاح ائدیلمه لیدیر. میللت: اورتاق گله نک (رسم و رسوم)، گؤره نک (عادت و عنعنه)، اورتاق دیل و مدنیتی اولوشدوران، یئر کوره سی نین بلیرلی جوغرافیسی اوزرینده منیمدیر دئییه جک اراضی یه صاحیب اولان توپلوملار میللت ساییلارلار. بو اوسته کی ایفاده لری ایران ممالیکی محروسه سینده کی توپلوملار اوچون بیر شابلون کیمی نظره آلارساق، گله نک و گؤره نک آچیسیندان تورک ایله بلوچ، کورد ایله عرب، تورکمن ایله فارس توپلوملاری نین هانکی اورتاقلیغی اولابیلر؟ دیل مسئله سینه گلدیکده ایران ممالیکی محروسه سینده کی فارس اولمایان دیل و مدنیتلری دولاییلی اولاراق غیر رسمی دئیه ایران ممالیکی محروسه سینده کی تورک، عرب، بلوچ، کورد، لور، تورکمن و ساییره ائتنوسلارین دیللرینی یاساقلاماق، فارس دیل و مدنیتی نی بو دیل و مدنیتلرین یئرینه بو ممالیکی محروسه نین % 67- 70 -ینی اولوشدوران توپلوملارا تحمیل ائتمک هانسی میللت مقوله سینی ایچرمیش (شامل) اولار؟ بیلیندیگی کیمی فارس دیلی نین تحمیل اولماسی کئچری دئییل، بو میللیتلرین میللی منلیک و کیملیکلری علیهینه قاتیل رولونو اوستلنمیش آشامادا (مرحله و مقامدادیر) یئر آلار.

دؤلت میللتی "Staatsnation" (ملتِ دولت) مقوله سینه گلدیکده بو مقوله  موختلیف دیل و مدنیتلر آچیسیندان (زاویه سیندن) دئموکراتیک پرینسیبلری قبول ائتمیش توپلوملار و اونلارین حاکیمیتلرینی ایچرمیش ساییلار. ایران ممالیکی محروسه سینده 1925 اینجی ایلینده قورولموش و گونوموزه دک داوام ائدن مرکزیتچی حاکیمیت، فارس دیل و مدنیتینی اساس گؤتوردوگو و باشقا دیل و مدنیتلره اؤزلرینی یاشاتماق، ایداره ایشلرینده و حاکیمیت داییره لرینده میللی و مدنی حاقلار وئرمه دیگی اوچون بو حاکیمیتین دیل و مدنیتینی اولوشدوران فارس محورلی لیک دؤلت میللتی (Staatsnation) اساسلارینا دایاقلی دئییل، فارس مدنیت راسیستلیگی، فارسچیلیق و اویدورما فارس میللیتچیلیگی حؤکمونده یارادیلمیش سیاسی و ایداری اورقانلار واسیطه سی ایله اؤزونو ایران ممالیکی محروسه سی ایجتماعیتینه تحمیل ائتمیش بیر حاکیمیت بیچیمیدیر. دئمک، ایران ممالیکی محروسه سینده بیر حاکیم دیل و مدنیت وار، بیر ده محکوم دیللر و مدنیتلر. کارخانا صاحابی ایله ایشچی کسیملری آراسیندا ایستثمار رابیطه سی حاکیمدیرسه، حاکیم دیل و مدنیت صاحابی ایله محکوم دیل و مدنیت صاحابلاری آراسیندا دا ایستعمار رابیطه سی حؤکوم سورر دئیه دوشونمه لی ییک. بو ایستعمار مقوله سی یالنیز دیل و مدنیت ایله یئتینمه یه رک بو میللیتلرین یئر آلتی قایناقلاری، ذهنی و اینسانی گوجلرینی ده سؤموره رک فارس دیل، مدنیتی و فارسلیق سیستیمی نین گوجلنمه سینه باشقا دیل و مدنیتلرین آرادان گئتمه لرینه و میللی منلیک و کیملیکلری نین یوخ اولماسینا یول آچار. گؤروندوگو کیمی فارس پان ایرانیستلری و اونلارین قویروقلاری نین ایددعا ائتدیکلری "دولتِ ملت" مقوله سی ده گؤز بویاماق و عوامفریبلیک ماهیتیندن اوزاقدا قالابیلمز. پان ایرانیستلرین میللت مقوله سی اوزره گؤروشلرینی گئنه ده اوخوماغا چالیشاق:

"... مقوله ی ملت و ملیت ( که آن را در چم آگاهی به اوصاف ملت آورده اند ) از هزاره های پیشین با تمام ویژگی های آن در کشور و سرزمین ایران جاری بوده است و همواره روند خود را هماهنگ با ویژگی های دوران طی نموده است.برای نمونه یکپارچگی تیره های ایرانی در زمان کورش هخامنش ،تاسیس دولت ساسانی و اتحاد سرزمینهای ایرانی بوسیله ی شاه اسماعیل  و... از نقاط عطف تاریخ ملی ما به شمار می رود."(1).

اوسته گؤروندوگو کیمی پان ایرانیستلر بو گؤروشلری اورتایا قویماقلا ایستر اؤز ساوادسیزلیقلارینی، ایسترسه ده ایجتماعیتی عوام سایاراق اونلاری تحمیق ائتمه یه چالیشدیقلارینی گؤرستمیش اولارلار. بیلیندیگی کیمی ایران ممالیکی محروسه سینده کی توپلوملار ایسلامیتی قبول ائتدیکلریندن سونرا بو ممالیکی محروسه ایلک اولاراق ایسلام خلیفه لیگی نین آلتیندا عرب دیل و مدنیتی اساسیندا ایداره اولونموش. سلجوق تورکلری عباسی خلیفه سینی بغداددا سیخیشدیراراق فارس دیلینی دیوان، عرب دیلینی دین و تورک دیلینی ایسه قوشون دیلی ائتمکله ایران ممالیکی محروسه سینده عرب خلافتینه سون قویموشلار. کئچمیش تاریخده ایران ممالیکی محروسه سینده چوخلو سلاله لر ایش اوستونه گلمه لرینه باخمایاراق 1925 اینجی ایله دک دیل و مدنیت زمینه سینده تورکلرین یئریتدیکلری سیاست داوام ائتمیش. رضا خان خاریجی عامیللر واسیطه سی ایله حاکیمیت چئوریلیشینه باش ووردوقدان سونرا تورک و عربلرین دیل و مدنیتلری علیهینه ایران ممالیکی محروسه سینده فارسلیق سیاستی اساسیندا دیوان توتولماغا باشلانمیش. بو دیوان توتمالار بهمن اینقلابی نین نتیجه سینده ایلک اولاراق سؤزده ایسلام قارداشلیغی آدینا سنگیمه سینه باخمایاراق فارس مدنیت راسیستلری یئنی حاکیمیتده آیاق یئرلرینی برکیتدیکدن سونرا گئنه ده فارسچیلیق سیاستی سورعتلنمگه باشلامیش.  پان ایرانیستلرین "فرما آریا" آدلی سیته لریندن گئنه ده اوخویوروق:

".. واپسین و حساس ترین نقطه ی حساس تاریخ شکل گیری ملت ایران سقوط سررشته داری قاجاریه و به قدر رسیدن گروهی از نخبگان ناسیونالسیت در آغازه ی سده ی اخیر بود. نخبگان فرهنگی و سیاسی ایران که تنها راه پیشرفت ملت ایران را در ملت گرایی میجستند با زنده کردن فرهنگ و تمدن ایرانی تلاش خود جهت باز تعریف دوبار از مقوله ملت و ملیت ایرانی را بطور جدی آغاز کردند"(1).

اوسته گؤروندوگو کیمی پان ایرانیستلرین "ملت ایران" دئیه منظور ائتدیکلرینده "فارسلیق" مقوله سی نظرده توتولار. بو مسئله فارس مدنیت راسیستلیگی نین چیچکلنمه سینه یول آچسا دا، ایران ممالیکی محروسه سینده فارس اولمایان ائتنوسلارین میللی منلیک و کیملیکلرینی محو ائدیجی بیر آشامایا گلیب چاتمیش گؤرونر. دئمک، فارس تمامیتچیلری نین "ملی گرایی" دئدیکلری مسئله، ایران ممالیکی محروسه سینی ایچره جک (شامیل اولاجاق) "دؤلت میللتی Staatsnation" مسئله سی دئییل، "فارس تمامیتچیلیگی" نظرده توتولار. ایران دیل و مدنیتی سؤز قونوسو اولدوقدا، گئنه ده فارس دیل و مدنیتی منظور اولونار. پان ایرانیستلرین "فرمان آریا" آدلی سیته لریندن گئنه ده اوخویوروق:

"... روشنفکران ملی در این دوره برای به انجام رساندن این رسالت خود ناچار از الهام گیری از مبانی و خاستگاه های تاریخی ایرانیان بودند. آیین اسلام و تشیع ،زبان فارسی و ادبیات حماسی و عرفانی ، تاریخ ایران باستان و عناصر برآمده از آیین زرتشت و... پایه های نخستین باز تعریف جامعه ایرانی از هویت خود را تشکیل میداد"(1).

اوسته کی مقاملارا دیققت یئتیردیکده گؤروندوگو کیمی بیر یاندان ایسلامیت و شیعه لیک فارس مدنیت راسیستلیگینه اویونجاق اولار و ایران ممالیکی محروسه سینده سنی اولان کورد، بلوچ، تورکمن بو مقوله ده محبتسیزلیگه اوغرار و باشقا یاندان فارس باستانگرایلیغی "زرتشت" اوهامی نین آلتیندا بوگونکو ایران ممالیکی محروسه سینه آشیلانمیش (تزریق ائدیلمیش) اولار.

بئله لیکله پان ایرانیستلرین گؤروشلرینه گؤره فارس توپلومونون دینچی کسیمی ایسلامیت، فارس دیل و مدنیتینه اؤزه نمکله ایله راضیلاشارکن ایسلامیت ایله ایلگیلنمه گن فارس کسیم ایسه زرتشچیلیک و فارسلیق مقوله سی ایله راضیلاشمیش ساییلار. بو آرادا ایران ممالیکی محروسه سینده یانلیش معامیله لره تابع توتولان آذربایجان تورکلری و عرب ائتنوسو اورتایا چیخمیش اولار. فارس مدنیت راسیستلری شیعه لیگی فارس میللیتچیلیگینه اویونجاق ائتمکله ایران ممالیکی محروسه سینده شیعه اولان تورک و عرب کیتله سینی بو ممالیکی محروسه نین قونشولوغوندا اولان سویداشلارینا موختلیف شانتاژ ماهیتلی یالانلار ایله اؤزگه یاشاتماغا و یئری گلرسه، اونلاری اؤز خالقلاری نین قارشیسیندا قویماغا چالیشارلار.  تورک و عربلرین دینچی کسیمی ایسلام و شیعه لیگه اؤزندیکلری اوچون فارس عوامفریبلری اونلارین پاک احساسلاریندان فایدالانماغا چالیشاراق اونلاری اؤز دیل و مدنیتلرینه اؤزگه یاشاتماغا چالیشارلار. ایران ممالیکی محروسه سینده کی تورکمن، کورد، بلوچ کیتله لری سؤز قونوسو اولدوقدا، اونلار شیعه لیک و زرتشچیلیک ایله ایلگیلنمدیکلری اوچون اونلار دا فارس کیملیک مقوله سیندن فایدالانماق دئییل، تورک و عرب کیتله سی کیمی میللی و مدنی سوی قیریما تابع توتولموش گؤرونرلر. پان ایرانیستلرین "فرمان آریا" آدلی سیته سیندن گئنه ده اوخویوروق:

"... در این هنگام هیچ شکی در یکپارچگی ملی توده ی ایرانی نه در اندیشه ی سیاست مداران و نه در اندیشه فرهنگیان و نه در متن جامعه وجود نداشت. بدان معنا که همه ایرانیان و همه اندامان جامعه ایرانی خود را هموند یک کشور و یک کلت یگانه احساس نموده و در راه اعتلای واحدی بنام " ایران " _ با تمام ویژگی های زبانی،نژادی و فرهنگی آن _  گام بر میداشتند. به دیگر سخن تمام نخبگان فرهنگی و – سیاسی جامعه ایران به هنگام تعریف مجدد از ملیت ایرانی در آستانه ی ورود به عصر نوین برداشت ِ بنیادی ِ «یک ملت ،یک دولت ،یک کشور ،یک زبان و یک نژاد» را شالوده ی تعریف خود قرار دادند. علاوه بر سیاستمداران و سیاستگذارانی چون محمود افشار ،تقی زاده ،دکتر شیخ الاسلام که در این روند نقش اساسی داشتند. میتوان به نویسندگان و فرهنگیانی چون ابراهیم پورداوود، صادق هدایت ، جمالزاده ،کاظم زاده ی ایرانشهر ، سعید نفیسی و بسیاری دیگر اشاره کرد که با الهام از ایده های ملی خطوط اصلی هویت ایرانی را ترسم نمودند."(1).

اوسته گؤروندوگو کیمی پان ایرانیستلر ایران ممالیکی محروسه سینده ائتنیک مسئله لر اوزره بو ایکی باشلی ایفاده لری یایماقلا بیر یاندان ایران ممالیکی محروسه سینده فارس اولمایان ائتنوسلاری تحمیق ائدر، باشقا یاندان اؤز عوامفریبلیکلرینی گؤرستمیش اولارلار. بیلیندیگی کیمی ایران ممالیکی محروسه سینده اوچ بیربیرلریندن آیری دیل قوروپلارینا باغلی میللیتلر یاشاماقدادیر.

1-      ایران دیل قوروپو (فارس، بلوچ، کورد، لور، گیلک، مازنی،...)

2-      تورک دیل قوروپو (آذربایجان تورکلری، تورکمنلر و ساییره)

3-      سامی دیل قوروپو (عربلر، یهودیلر و ساییره)

دئمک، فارس تمامیتچیلری و پان ایرانیستلر دیل مسئله سینی عیرق و نژاد کیمی تقدیم ائتمگه چالیشدیقلارینا باخمایاراق اوچ بیربیرلری ایله هئچ بیر قوهوملوغو اولمایان دیل قوروپلارینی نئجه بیر عیرق و نژادا نیسبت وئرمگه چالیشار و بیر میللت مقوله سیندن سؤز ائدرلر مسئله سی اؤزو ده دوشوندوروجودور! میللت مقوله سی دیل و مدنیتلرین اورتاقلیغینی ایچرمیرسه، فارس تمامیتچیلری و پان ایرانیستلر فارسلیق اساسیندا ایران ممالیکی محروسه سینده تورک و عرب ائتنوسونا دوشمنجه یاناشدیقلارینا باخمایاراق (3 و 3.1- 3.5)  "پژاک و پ. کا.کا" کیمی پارا میلیتئر و تئروریست اگلملره قاتیلان قوروپلارین کؤنوللرینی اوخشاماغا (نوازش ائتمگه) چالیشارلار(2، 2.1). پان ایرانیستلر آدلارینی سیرالادیغی ذات عالیلرین تورک و عرب دوشمنی کیمی چیخیش ائتدیکلری بیر چوخ اینسانلارا آیدیندیر. بو شخصلرین بیر سیراسی اوزره باخینیز(4 و 4.1 – 4.10). پان ایرانیستلر ایران ممالیکی محروسه سی نین ائتنیک مسئله سی نی گیزلی توتابیلمه دیکلری اوچون یازارلار:

"... تیره های ایرانی، اقلیت های ایرانی : ایران کشور ی است پهناور که از دید جغرافیایی ویژگی های گونه های متفاوت فرهنگی را در خود جا داده.ایران تاریخی و کهن نیز به مراتب بسیار گسترده تر از ایران کنونی میباشد و اقلیم ها و دولتهای متعددی را در بر میگیرد.ناهمواری ها و نا همگونی های جغرافیایی در طی هزاره ها در این گستره ی پهناور شوند پیدایش گویش ها و ،سنت ها و خرده فرهنگ های گوناگونی شده است. مقتضیات زندگی کوهستانی در نواحی باختری ایران و در میان ایرانیان آن نواحی سبب پیدایش خرده فرهنگی ذاتاً ایرانی میان بختیاری ها و کورد ها شده. خوراک و پوشش ها و گویش ها و گاه حتی باورهای دینی این دسته از ایرانیان به سبب زندگی در کوست های بکر ایران و در طی سالهای متمادی تیره های ایرانی لر ،لک ، بختیاری و کرد را پدید آورد. در همسایگی این تیره ها رد شمال باختری ایران تیره ی آذری با ویژگی های خرده فرهنگ خود شکل گرفت. با گذشت روزگاران زبان محلی این قوم بدست نژادهای مهاجم تغییر کرده و آذری ِ ترکی شده جای زبان باستانی آنان را گرفت.بلوچ ها و خراسانی ها و طبرستانی ها نیز در طی سده ها ویژگی های سنتی و محلی خود را پدید آوردند... "(1).

اوسته گؤروندوگو کیمی ائتنیک مسئله لر سؤز قونوسو اولدوقدا پان ایرانیستلر بو مسئله نی میللیتلر مسئله سی کیمی دئییل، بیر جغرافی فرقلیق کیمی تقدیم ائتمگه چالیشاراق بو جغرافی بؤلگه لرده کی موختلیف میللیتلرین وارلیغینی دانماغا چالیشارلار. آذربایجان میللتی نین دیلی سؤز قونوسو اولدوقدا پان ایرانیستلر "فرمان آریا" آدلی سیته لرینده یازیرلار:

"... در امان ماندن از یورش وحشیان و آنچه موجب تغییر زبان مردم آذربایجان شد گسست نظم اجتماعی پس از یورش مغول و آنچه که شوند تجزیه ایران سرزمین های ایرانی گردید ناتوانی هیئت های حاکمه بود"(1) .

مسئله نی اوسته کی بیچیمده اورتایا و دیل و مدنیتلره یاناشدیقدا آشاغیداکی سورقو و سوآل اورتایا چیخمیش اولار:

- 13 اونجو عصیرده کی موغوللار چوخ وحشی ایدیلر می، یوخسا 20 و 21 اینجی عصیرده کی فارس مدنیت راسیستلری و اونلارا قویروق اولموشلار می؟

اؤتریشلی پروفسور Kappeler موغوللارین ایمپراتورلوغونو موثبت دگرلندیریر. اونون گؤروشونه گؤره "موغوللار آوروآسیایا حاکیم اولدوقلارینا باخمایاراق اونلار مدنیت باخیمیندان مرکز آوروپا و چین آراسیندا کؤرپو رولونو اویناماغا چالیشمیشلار. موغوللار  محکوم خالقلارین دین و مدنیتلری اوزره ده آنلاییشلی (Toleranz) و سایقیلی داورانماغا چالیشمیشلار. محکوم خالقلار غرامت وئردیکلری موددتده موغول حاکیملری او ولایت و بگلیکلرین ایچ ایشلرینه قاریشمازمیشلار. موسکوداکی بگلیکلر و سونراکی چارلیق حکومتی حاکیمیت مودئللینی موغوللاردان آلدیقلاری اوچون موسکووانین بؤلگه ده و دونیادا  یوکسلیشی اؤزونو موغوللار زامانی حاکیم اولموش دوروما بورجلو سایمالیدیر"(5). Ernst Wanner ین یازدیقلارینا گؤره "موغوللارین محکوم خالقلارا، اونلارین دیل، مدنیت و اینانجلارینا قارشین سایقی و آنلاییشلا یاناشمالاری، یوللاردا گلیش و گئدیشلره امن شراییط یاراتمالاری و گؤزل ایداره ائتمه سیستیملری موغول ایمپئراتورلوغونون چیچکلنمه سینه یول آچاراق موغول ایمپئراتورلوغوندا اینسانلارا بیربیرلرینی تکمیلتمگه فورصت وئریلدیگی اوچون موغول مدنیتی ده باشقا مدنیتلر ایله بیرلیکده گوجلنمگه باشلامیش"(6).

اوسته کی قناعت و دوشونجه لر آوروپالی طرفسیز بیلیم آدملاری نین موغوللار اوزره اورتایا سوردوکلری گؤروشلردیر. بو گؤروشلری نظره آلاراق فارس مدنیت راسیستلری، پان ایرانیستلر و اونلارا قویروق اولموشلار ایران ممالیکی محروسه سینده کی فارس اولمایان ائتنوسلار اوزره نئجه یاناشدیقلاری و دوشوندوکلرینی بو اورتایا قویولموش فاکتلار ایله قارشیلادیرمالی و هانکی اینسان تیپیندن اولدوقلارینی اونلار اؤزلری بلیرله مه لیدیرلر. دئمک، مسئله وحشیلیک دئییل، حاکیمیتلرین چیخار مسئله سی بیرینجی پلاندا یئر آلار. بوگون ده دونیاداکی بؤیوک دؤلتلر اؤز چیخارلارنی نظره آلاراق موختلیف باهانالار ایله اؤز ماراقلارینی قوروماغا چالیشارلار. فارس تمامیتچیلیلری و مدنیت راسیستلری نین داورانیشلارینا گلدیکده بو مسئله یالنیز کئچری چیخار مسئله سی دئییل، ایچ گودو (غریضی) دئییلن داورانیش مسئله سیدیر. فارس مدنیت راسیستلری ایچ گودو (غریضی) داورانیشلاری ایله باشقا دیل و مدنیت صاحابلاری نی میللی کیملیک و منلیک باخیمیندان یوخ ائتمگه چالیشارلار. پان ایرانیستلر "فرمان آریا" آدلی سیته لرینده گئنه ده یازیرلار:

"نکته حائز اهمیت اینکه هیچکدام از تیره های ایرانی هرگز و در هیچ دوره ای احساسات جداگانه ی ملی را در ضمیر خود نه پرورانده و  همواره ملیت خود را در وابسته به یک کلیت یگانه می دانستند که ایران نامیده می شد.از دید تفاوت های سنتی ، فرهنگی و زبانی  نی این جدایی ها بقدری نیس که بتوان نام ملیت بر آن نهاد بلکه آنچه در جامعه بزرگ ایرانی وجود دارد اقوام ( تیره ها ) ایرانی می باشند و حتی اگر تفاوت های جزیی در رفتار و گویش ها و خرده فرهنگ ها دیده شود باید گفت همگی ریشه ی ایرانی _ آریایی دارند"(1).

اوسته کی پاساژا دیققت یئتیردیکده گئنه ده بعضی ایلگینج تابلولار اورتایا چیخمیش اولار. دئمک، کئچمیش، مین ایله یاخین تورکلرین ایران ممالیکی محروسه سینه حاکیمیت دؤنملرینده، هئچ بیر ائتنیک قارشی دورما و آیری سئچگیلیک اولمامیشسا، بو  مسئله بو ممالیکی محروسه نین کئچمیشده کی ایداره سیستیمیندن قایناقلانان بیر مسئله اولموش. بیلیندیگی کیمی کئچمیشده ایران ممالیکی محروسه سی سنتی فئدرالیسم بیر سیستیم ایله ایداره اولونموش. بو سیستیمه اساساً مرکز حاکیمیتلر یئرلی حاکیمیتلرین ایچ ایشلرینه قاریشمایاراق موغوللار زامانی اولدوغو کیمی غرامت یوخسا وئرگی و مالیات آلماقلا اونلارا اؤزلرینی ایداره ائتمه و اؤز دیل و مدنیتلرینی قوروما حاققینی تانیمیشلار. بونلارا باخمایاراق 1925 اینجی ایلدن باشلامیش مرکزیتچی فارسلیق سیستیمینه اساساً هر شئیئی فارسچا اولموش. حاکیمیت ائتمک مسئله سینه گلدیکده بو مسئله یالنیز ایران دیل قوروپو آدلانان دیل و مدنیت صاحابلارینا عایید دئییل، تورک و سامی دیل قوروپلارینا عایید اولان توپلوملاری دا ایچرمه لیدیر. پان ایرانیستلرین "فرمان آریا" آدلی سیته لریندن اوخویوروق:

" آیا در ایران ملیت های دیگری زندگی می کنند؟؟

برای یافتن این پرسش باید عناصر سازنده ی یک ملت را بررسی کرده و سپس منطقی را در مورد اقلیتهای ساکن ایران بررسی کنیم.از دید برخی جوهره ی ملت زبان واحد و از دید برخی دیگر زبان واحد و از دیدگاه گروهی دیگر مجموع یکسری از عوامل تاریخی میباشد.ولی آنچه که تغییر ناپذیر است استمرار زندگی آن ملت در سرزمین ویژه ای می باشد .از دید تاریخی و علمی دو گروه اقلیت نژادی در ایران کنونی زندگی می کنند.ترکمن ها در شمال شرق و اعراب در جنوب .در پاسخ به این پرسش که آیا پیشینه ی حضور آنان در این سرزمین ریشه ی تاریخی داشته و آیا این اقلیت های نژادی وابسته به این جغرافیا می باشند؟ باید گفت با مراجعه به داشته های تاریخی نژاد عرب و ترکمن در بخشهایی از میهن ما مهاجر و حتی مهاجم و در نتیجه بیگانه می باشند.در نهایت با توجه به اینکه این نژادها هیچ بستگی تاریخی و مشروع با این سرزمین ندارند تشکیل یک ملت و ملیت را در ایران نمی دهند"(1).

اوسته کی مقاملارا دا دیققت یئتیردیکده گئنه ده فارس مدنیت راسیستلری نین عوامفریبلیکلری اورتایا چیخمیش اولار. یئنی بیلگیلره اساساً اینسانلاری فیزیولوژیک گؤرونوشلریندن یانا آیری سئچیلیگه (تبعیض) اوغراتماق حیماقت ساییلار. ائتونسلاری آق، قارا، ساری، قیرمیزی دئیه صینیفلاندیرماق و اونلاری آوروپالی، آفریقالی، آسیالی و ساییره دئیه آدلاندیرماق خطا ساییلار. DNA تئستلرینه اساساً بعضی ایزلردن بیری نی قارا، بورنونون یاستی اولماسینی یالنیز حدس وورابیلمک ایمکانی اولدوغونا باخمایاراق بعضی حاللاردا بو ایفاده لر یانلیش دا اولابیلر. بو مسئله نی جنایت بیلگینلری (جنایت شناسلار) ده آچیقلیغا قاویشدیرابیلمه دیکلرینه باخمایاراق فارس مدنیت راسیتلری ایران ممالیکی محروسه سینده کی ائتنوسلاری آیری سئچیلیگه معروض قویماغا چالیشاراق راسیست اولدوقلارینی سرگیله میش اولارلار (7).

بیلیندیگی کیمی میللیت، دیل و مدنیت مقوله لری زامان گئدیشی ایله یئرینه گؤره دگیشیمه اوغرایا بیلر. بوگون آذربایجانلی اؤزونو دیلی و مدنیتی اساسیندا تورک اولاراق ایجتماعیته تقدیم ائتدیکده اونو آریالی یوخسا آرانقوتان مئیمونو دئیه باشقا توپلوملارا تقدیم ائده رک عوامفریبلیک ائتمگه چالیشماق مدنیتدن اوزاق ساییلار. دونیا توپلوملاریندا Selbst Demermination دئیه بیر دئییم اورتایا قویولموش. بو دئییمه اساساً هر شخصی و توپلومو، اونون اؤزو تانیتدیغی و ایسته دیگی کیمی سسلمک لازیمدیر. دئمک، بوگون ایران ممالیکی محروسه سینده تورک ائتنوسو اؤزونو فارس دیل و مدنیتینه دئییل، اؤزو صاحیب اولدوغو دیل و مدنیتله دونیا ایجتماعیته تقدیم ائتمک ایسترکن فارس مدنیت راسیستلرینه و اونلارین قویروقلارینا بو گئرچکلیگین قارشیسیندا بویون اگمکلریندن آیری بیر یول قالماز گؤرونر. محمد تقی زهتابی بو مسئله نی آشاغیدا عوام آنلایاجاق دیل ایله فارس مدنیت راسیسلرینه و اونلارین قویروقلارینا یئتیرمگه چالیشمیش:

"سو"دئییبدیر منه اولده،انام آب کی،یوخ--- "یوخوؤیرتدی اوشاقلیقدامنه،خواب کی،یوخ

ایلک دفعه کی،"چورک"وئردی منه نان دئمه دی-- ازلیندن منه "دوزدان، نمکدان  دئمه دی

انام ،اختر دئمه یبدیرمنه،"اولدوز "دئییب او-- سو دوناندا،دئمه ییب یخدی بالا،"بوز"دئییب او

"قار" دئییب ،برف دئمه ییب،دست دئمه ییب"ال"دئییب او

 منه هئچواخت بیا سویله مه ییب،"گل"دئییب او

یاخشی خاطیرلاییرام،یاز گونو اخشام چاغی لار

 باغچانین گون باتانیندا کی،ایلیق گون یاییلار

"گل" دئیه ردی، داراییم باشیوی ای نازلی بالام!

گلمه سن گر، باجیوین استاجا زولفون دارارام

او دئمه زدی کی ،-بیا شانه زنم بر سر تو!-- گر نیایی بزنم شانه سر خواهر تو!

بلی، داش یاغسادا گویدن، سن او سان من ده بویام

وار سنین باشقا آنان، واردی منیم باشقا آنام

اؤزومه مخصوص اولان باشقا ائلیم واردی منیم

ائلیمه مخصوص اولان باشقا دیلیم واردی منیم

ایسته سن قارداش اولاق، بیر یاشایاق، بیرلیک ائدک

وئریبن قول-قولا،بوندان سونرا بیر یولدا گئدک

اولا،اؤزگه کولک لرله گرک آخمایاسان

ثانیا، وارلیغیما، خالقیما خور باخمایاسان

یوخسا گر زور دئیه سن ملتیمی خوار ائده سن

گون گلر، صفحه چونر،مجبور اولارسان گئده سن".

پان ایرانیستلرین "فرمان آریا" آدلی سیته لریندن اوخویوروق:

".در پاسخ این پرسش که آیا اقلیت ها حق در تعیین سرنوشت خود آزادند یا نه؟می گوییم همه ی آنان در انتخاب راه خود و آینده خود آزادی تام دارند و می توانند هر زمان که بخواهند کشور را ترک کنند و البته در صورتی که بتوانند خود را با جامعه ایرانی همنوا سازند ( که در مورد بسیاری از اعراب شیعه چنین است) بین ملت ایران و آنان مشکلی ایجاد نخواهد شد.در مقابل وظیفه ی یک دولت ملی در برابر اقلیت ها این است کنترل همه جانبه نسبت به جمعیت و زاد ولد آنان داشته باشد"(1).

اوسته کی ایفاده لر محمدرضا پهلوی"آری از مهر" نین ایفاده لرینی خاطیرلاتمیش اولار. بیلیندیگی کیمی محمدرضا دا حاکیمیتی نین سون گونلرینده اؤز یئرینی برک خیال ائده رک هرکس منیم سیاستیمدن راضی دئییلسه، قاپیلار آچیق، پاسپورت آلیب مملکتی ترک ائده بیلر دئیه اؤز آریاچی خیالاتیندان ال چکمک نیتینده دئییلدی. سونوندا کیمین گئتدیگی و کیمین قالدیغی بللی اولدو. بوگون ده فارس مدنیت راسیستلری خیال قوشلارینی مینه رک عوامفریبلیک ائتمگه و باشقا دیل و مدنیت صاحابلارینا مئیدان اوخوماغا چالیشارلار. بو مسئله اؤزلویونده اونلارین توخودوقلاری راسیستلیک تئوریلری نین ایچی بوش و چوروک اولدوقلاری نین گؤرستگه سیدیر.

 

قایناقلار:

 

1        پان ایرانیست، فرمان آریا، هویت ایرانی.روشنفکران ملی. روشنفکران آذریایجانی.هویت ملی:

http://www.farmane-ariya.blogfa.com/post-213.aspx

2        پان ایرانیست، فرمان آریا، ایران.پژاک.پ.ک.ک.کردستان و کرد.زبان کردی.pjak.رحمان حاج احمدی (رهبر پژاککردها خط قرمز ناسیونالیست هاي ایران:

http://www.farmane-ariya.blogfa.com/post-206.aspx

2.1     پان ایرانیست، فرمان آریا، پژاک کیست؟ پژاک.پ.ک.ک.رحمان حاج احمدی.سپاه پاسداران .گاردین.ناسیونالیسم قومی:

http://www.farmane-ariya.blogfa.com/post-207.aspx

3        پان ایرانیست، فرمان آریا، چنگیز آسوده بخواب پان ترک بیدار است،ترکتازی در عرصه فرهنگ:

http://farmane-ariya.blogfa.com/post-102.aspx

3.1     پان ایرانیست، فرمان آریا، خطر زرد:

http://farmane-ariya.blogfa.com/post-54.aspx

3.2     پان ایرانیست، فرمان آریا، مقابله با خطر زرد (کنفدراسیون ایران، تاجیکستان و ارمنستان)

http://farmane-ariya.blogfa.com/post-63.aspx

3.3     پان ایرانیست، فرمان آریا، ما ایرانی هستیم نه شما:

http://farmane-ariya.blogfa.com/post-96.aspx

3.4     پان ایرانیست، فرمان آریا، راه حل نهایی مسئله تورک:

http://farmane-ariya.blogfa.com/post-97.aspx

3.5     پان ایرانیست، فرمان آریا، ترکان در آینه ادبیات ایرانی (فارسی):

http://www.farmane-ariya.blogfa.com/post-124.aspx

4                  ایشیق سؤنمز، ایران ممالیکی محروسه سینده میللی مسئله، شوونیست مئییللی و تمامیتچی قووه لرین بو مسئله یه یاناشمالاری!: http://www.azadtribun.net/x496.htm

4.1     ایشیق سؤنمز، پان ایرانیسم، پان فارسیسم یوخسا خولیاچیلیق راسیسم؟:

http://www.durna.se/sonmez_pipfyxr.htm

4.2              ایشیق سؤنمز، روسوایچیلیغین ایرنجلیگی ویا فضاحتین کراهتی :

http://www.azadtabriz.com/news/?p=1239

4.3              ایشیق سؤنمز، پان ایرانیستلرین و فارس شوونیستلری نین ایرانیت مقوله لری!:

http://www.baybak.com/Baybak/?p=788

4.4              ایشیق سؤنمز، فارس مدنیت راسیستلیگینه یالتاقلیق ائدنلر می، یوخسا اؤلولرینی قبیردن قبیره سوخانلار می؟: http://www.azadtabriz.com/news/?p=1490

4.5   ایشیق سؤنمز، ایران ممالیکی محروسه سینده کی فارس اولمایان دیل و مدنیتلری فارس دیل و مدنیتی ایله عئینلشدیرمک می، یوخسا سفسطه ائتمک؟:

http://www.demokratturk.blogfa.com/post-13.aspx

4.6     ایشیق سؤنمز، فارس مدنیت راسیستلیگی نین بالتا ساپلاری:

http://www.sattarkhan.net/frpa.htm

4.7     ایشیق سؤنمز، پان ایرانیستلرین ایسلام دینی نی فارس میللیتچیلیگینه اویونجاق ائتمه سی!: http://www.anamdeyip.com/html/shuvinism/Paniranist_Islam

4.8     ایشیق سؤنمز، پان ایرانیستلرین دیل و مدنیت تحریف ائتمه مسئله لری!:

http://www.azadtribun.net/x140.htm

4.9             ایشیق سؤنمز، صادق هدایت، فارس نئوفاشیستلری و داریوش همایون:

http://www.azadtabriz.com/news/?p=1218

4.10         ایشیق سؤنمز، آذربایجان میللی مسئله سی و فارس شوونیستلری!:

http://www.azadtribun.net/x540.htm

5        Bewertung der Mongolenherrschaft durch Historiker

http://de.wikipedia.org/wiki/Geschichte_Russlands

6        Ernst Wanner, Dschingis Khan und seine Erben: Austausch über Kontinente hinweg

http://www.aerzteblatt.de/v4/archiv/artikel.asp?src=heft&id=48203

7                      American Anthropological Association Statemen on "Race" (May 17, 1998):

http://www.aaanet.org/stmts/racepp.htm