فارس تمامیتچیلری نین واوئیلا سسلری

 

بیلیندیگی کیمی ایران ممالیکی محروسه سینده فارس دیل و مدنیتی اساسیندا اولان میللی ظولومون بنزری گؤرونه یه رک بو دیل واسیطه سی ایله اعمال اولموش سیاست فارس اولمایان دیل و مدنیتلرین اؤلومونه یول آچمیش مقامدا یئر آلیر. بو آرادا اؤزلرینی فارس راسیستلری دئییل، ایران ممالیکی محروسه سی اوزره فارس دیل و مدنیتی نی اساس گؤتورموش فارس تمامیتچیلری یوخسا "جبهه میللی ایران" دئیه فارس اولمایان دیل و مدنیتلر صاحابلارینا دیکته ائتمگه چالیشانلارا تانیق اولموشدوق (1 و 1.1). بو تمامیتچیلیک و راسیستلیک مقوله لرینه سئییرجی قالان "حزب نژادپرست جبهه ملی فارس" یانچیلاریندان بیری ده محمد امینی ایمضاسی ایله ایجتماعیتی آلداتماغا چالیشان ذات عالیدیر. یئری گلمیشکن بو ذات عالی نین گؤروشلری نین بعضی پاساژلارینی گؤزدن کئچیرمگه چالیشاق، محمد امینی یازیر:

"... شگفت آور این که بیشتر کوشندگان و رهبران این گروه ها، خود برخاسته از آذربایجان و کردستان اند و با این حال، چنان رفتارمی کنند که گویا هم ایشان نیز بخشی از آن ملت ساختگی ستمگر فارس اند که کاسه و کوزه همه بدبختی های ایران کنونی بر سرش شکسته می شود"(2).

بیلیندیگی کیمی دوشونجه و فیکیر باخیمیندان فارس تشکیلاتلارینا پادوچولوق ائدن شخصلر اؤز میللی منسوبیتلریندن آسیلی اولمایاراق فارسلیق مفکوره سینی اساس گؤتورموش تشکیلاتلارین توتساغی (زیندانی سی) ساییلارلار. بو توتساق (زیندانی) اولما یالنیز جیسمی باخیمدان دئییل، دوشونجه، دیل و مدنیت باخیمیندان دا کئچرلی ساییلار. دئمک، فارس تشکیلاتلاری ایران ممالیکی محروسه سینده کی میللیتلر مسئله سی قارشیسیندا دئموکراتیک اخلاق و دگرلره صاحیب اولمادیقلاری اوچون میللیتلر مسئله سی باخیمیندان بیر چیخمازلیق (بن بست) ایله اوزلشمیشلر. دئمک، بو چیخمازلیق و چاتیشمازلیغی نظره آلارساق، تمامیتچی فارس دوشونجه و فیکیر صاحیبلری بو مسئله لری باشا دوشموش گؤرونمورلر. محمد امینی گئنه ده یازیر:

"... نابرابری های فرهنگی، اقتصادی و اجتماعی در میان مردم ایران که از سدها تیره ایلی و چنیدین پیشینه قومی برخاسته و به زبان های گوناگون سخن می گویند، واقعیتی غیر قابل انکار است. جمهوری اسلامی نیز با چیره ساختن برداشتی افراطی از مذهب شیعه و با تبعیض علیه مردمی که مذهب و آیینی جز آیین حاکمان دارند، به این نابرابری ها دامن زده است..... اما آیا براستی در سرزمینی که در درازای تاریخ و سده ها، سرزمین همزیستی و آمیزش قومی و فرهنگی بوده، اینک ستیز ملی و قومی به جایی رسیده است که چاره ای جز پایان دادن به یگانگی ایران و ساختن امارت نشین هایی به نام اقوام و ملل ستمدیده نیست؟"(2).

اوسته گؤروندوگو کیمی محمد امینی ایران ممالیکی محروسه سینده کی میللیتلر مسئله سینی کیچیتمه (تحقیر ائتمه) دئییملر ایله قلمه آلاراق بو مسئله نی حاکیم اولموش دیل و مدنیت اساسیندا دئییل، بیر آلدادیجی اولاراق "شیعه مذهبی" ایله علاقه لندیرمگه چالیشار. ائله بوندان یانا دا میللی ظولوم سؤز قونوسو اولارکن، ایران ممالیکی محروسه سینده کی میللیتلر مسئله لری دئییل، دینی آزلیقلار ("مردمی که مذهب و آیینی جز آیین حاکمان") مسئله سی فارس تمامیتچیلری طرفیندن میللیتلر مسئله سی نین یئرینه قاباردیلمیش اولار. دئمک، حالوا حالوا دئمکله آغیر دادلی و شیرین اولمایاجاغی کیمی، فارس اولمایان ائتنوسلارین میللی مسئله لرینه اؤزگه یاشاماقلا دا بیرلیک مقوله سی حیاتا کئچه بیلمز. بیرلیک مقوله سی اورتاق دگرلر اساسیندا آنلام تاپا بیلر. فارس دیل و مدنیتی نی اساس گؤتورموشلر، فارس اولمایان دیل و مدنیت صاحیبلری نین میللی وارلیقلارینی دانماغا چالیشماقلا هانکی اساسدا و نئجه ایفاده ائتدیکلری میللی بیرلیگه چاتابیلرلر؟ دئمک، ایران ممالیکی محروسه سینده کی میللیتلر مسئله سی نین وار اولدوغونو دانماغا چالیشانلار اورتا چاغدا یاشامانی بیلگی سایار چاغیندا یاشاماغا داها اوستون توتموش مقامدا یئر آلارلار. محمد امینی گئنه ده یازیر:

"... اگر کسی این کارزار جنجال ستم قومی را باور کند و آگاهی چندانی از تاریخ دور و نزدیک ایران و فرایند شکل گیری دولت مدرن درایران نداشته باشد، به این نتیجه خواهد رسید که گروهی جنایتکار که نمایندگان ملتی سیادت طلب وغارتگر به نام ملت فارس بوده و هستـند، سال های درازی است که دمار از روزگار مردم ترک، کرد، عرب و بلوچ تبار در ایران درآورده، هست و نیست ایشان را به غارت برده و در تهران و شهرهای پیرامون کویرلوت که بهشت فارسستان است گردآورده اند!"(2).

اوسته گؤروندوگو کیمی فارس تمامیتچیلری ایران ممالیکی محروسه سینده میللیتلر مسئله سی نین وار اولدوغونو بیله قبول ائتمک ایسته مزلر. دئمک، میللی مسئله نین و میللی ظولومون وار اولدوغونو قبول ائتمک اؤزو ایله بیرلیکده مسئولیت مقوله سینی اورتایا قویموش اولار. فارس تمامیتچیلری نین میللی مسئله سی نی دانمالاری اونلارین مسئولیت آلتیندان قاچمالاری و ایستعمارچیلیق سیاستیندن ال چکمک ایسته مدیکلریندن حئکایت ائدر. بئله لیکله فارس ایستعمارچیلیق مقوله سی بیر داها فارس اولمایان توپلوملار اوچون سرگیلنمیش اولار. دئمک، خاریجی عامیللر واسیطه سی ایله فارس اولمایان ائتنوسلارا یوکلنمیش فارس ایستعمارچیلیغی اؤز یاشاییشی نی (عمرونو) سوردورمک اوچون ایستر حاکیمیتده کی، ایسترسه ده حاکیمیته موخالیف کیمی گؤرونن پوزیسیون فیکیر صاحابلاری نین کسیشدیکلری نقطه دئیه نظره آلینمالیدیر. بو نقطه ده اؤزلرینی فدائیان ایسلام آدلاندیران تشکیلاتلا پان ایرانیست محفللری آراسیندا هئچ بیر فرق گؤرونمز(4، 4.1، 4.2 و 4.3). محمد امینی گئنه ده یازیر:

"... آیا به راستی تصادفی است که ... کمتر از دوسال بیش از یکسد و هفتاد گروه و دسته قومی از گوشه و کنار سبز شدند و به یکباره جهان دریافت که وامصیبتا، ایران زندان ملل است و ایرانیان پلیدترین دشمنان حقوق ملی اند؟ سرزمینی که نهسد سال، فرمانروایانی ترکمان و مغول تبارداشته و بیشتر برپاکنندگان انقلاب مشروطه اش از قفقاز و آذربایجان برخاسته اند؛ سرزمینی که درآن، جز آقاخان کرمانی، دیگر رهروان مدرنیته و ناسیونالیسم ایرانی اش، یا از دل قاجار ترکمن تبار برخاسته بودند و یا پارسی شان با لهجه غلیظ و شیرین ترکی آذری آمیخته بود، اینک به عنوان پلیدترین شکل ستم گری ملی باز تعریف می شود"(2).

فارس راسیستلری"ایران و ایرانی" دئدیکده فارس ائتنوسو و مدنیتینی نظره آلاراق باشقا ائتنوسلار طرفیندن فارس دیل و مدنیتی اساسیندا ایداره اولونان ایران ممالیکی محروسه سینی بیر زندان دئیه قلمه آلمیشلار. اوسته ایک کئچمیش 82 ایلده "غلام و غلامزاده" دئیه قلمه آلدیقلاری تورک شاهلارینی بوگون مصلحت ایجابیندا "فرمانروایان ایران" دئیه ایران ممالیکی محروسه سینده کی تورکلری آلداتماغا چالیشارلار. دئمک، فارس راسیستلری بو شییادلیقلاری ایله ایران ممالیکی محروسه سینده میللی مسئله نین وار اولدوغونو دانماغا چالیشدیقلارینا باخمایاراق بو آجی واقعیتلرین وار اولدوغونو سیله بیلمزلر. بیلیندیگی کیمی رضاخان خاریجی عامیللر واسیطه سی ایله حاکیمیت چئوریلیشینه قول چکه رک، ایستر قاجار شاهزاده لری (عباس میرزالارین) نین مودئرنچیلیگینی و ایسترسه ده آذربایجان تجددوولوک حرکاتلاری نین نتیجه لرینی یوخ ائده رک فارس دیل و مدنیتینی اساس گؤتورموش فارسلیق سیستیمی نین یارانماسینا یول آچمیش. بو مسئله نی دانماغا چالیشماق یالنیز و یالنیز عوامفریبلیک ساییلار دئیه دوشونمه لی ییک. محمد امینی گئنه ده یازیر:

"... تارنمای بیجارآذربایجان که پایگاهش در باکو است و خویشتن را نماینده مردم ستمدیده بیجار زنجان می خواند، از این هم فراتر رفته، نوشته ای را درج کرده است که درآن از آذربایجانی های ایران می خواهد که به حضورعفریت پلید ارامنه که دشمنان اسلام درآذربایجان اند پایان دهند. شرم آوراین که   پیوند به چنین تارنمایی در تارنمای گروه هایی که خویشتن را هوادار سکولاریسم و بردباری دینی می دانند درج می شود!"(2).

اوسته گؤروندوگو کیمی پان ایرانیستلر و فارس تمامیتچیلری نین ارمنیلره گؤز یاشی تؤکمه لری اونلارین اینسان سئور اولدوقلاری دئییل، آذربایجان میللی مسئله سینی ایجتماعیتین گؤزوندن یاییندیرما مقصدی گودر. دئمک، "بیجار" آدلی وئبلاگی فارس تمامیتچیلری نین آذربایجان جمهورتینه نیسبت وئرمکلری ده ایران ممالیکی محروسه سینده کی تورک ائتنوسونو خاریجی عامیللره نیسبت وئرمه ماهیتی داشییار. محمد امینی پاریس توپلانتیسینا (15-17. 06. 2007) ایشاره ائده رک یازیر:

"... شرم بر ما باد که در برابر چنین فاجعه ای که بر جامعه ما می رود خاموشیم. نه تنها   بانگ پرخاشی نسبت به چنین داوری های واپس گرایانه ای که جنگ و ستیز ایلی، قومی و دینی   را جایگزین مباره مدنی و دموکراسی خواهانه با جمهوری ولایت فقیه خواهد کرد بر نمی خیزد، که کوشندگان جنبش سکولار جمهوریخواه و نیز پاره ای از هواداران و مشاوران شاهزاده رضا پلوی، چنین گروه هایی را با سلام و صلوات دنبال می کنند و به صدر مصطبه می نشانند و میر مجلس شان می کنند. "(2).

اوسته کی عیبارتده رضا پهلوی نین مشاورلری دئدیکده شهریار آهی، احمد اویسی (ارتشبد غلامعلی اویسی نین قارداشی)، پرویز ثابتی (شاه زامانینداکی ساواک تشکیلاتی نین رئیسی) و اونلارین آل آلتیلاری نظرده توتولور (3). دئمک، پاریسده کی توپلانتی آغیرلیقلی اولاراق فارس سلطنتچیلری، پان ایرانیستلر و بیر سیرا فارس جمهوریتچیلری طرفیندن فارس دیل و مدنیتی اطرافیندا اورتایا سوروله رک، فارس اولمایان ائتنیکلردن ده بعضی شخص، یوخسا قوروپلارین نماینده لری بو توپلانتییا قاتیلمیشلار. دئمک، اؤزلرینی "جبهه ملی ایران" آدلاندیران فارس تمامیتچیلری بو توپلانتییا قاتیلمادیقلاری، او خیال ائتدیکلری جبهه دن اوزاق دوشدوکلری اوچون دالدان داش آتماغا باشلامیشلار. بو آتیلان داشلار هانکی فارس راسیستی نین باشینی سیندیراجاق داها بیزی گرک ایلگلندیرمه سین (آتلار دئمیشلر: قیریلان دوشمن قوشونونداندیر). محمد امینی گئنه ده یازیر:

"... کجاست آن شهامت سیاسی که به این پاسداران قوم گرایی و پاکسازی قومی بگوید که کارزار شما به بهانه دروغین پایان دادن به ستم ملی فارس ها که گویا دولت جمهوری اسلامی نماینده آن است، در برابرجنبش مدنی ایران قرار دارد و صف یگانه جنبش زنان، دانشگاهیان، روزنامه نگاران و کارگران ایران را که جان برکف در برابر حکومت تبعیض و ریا ایستاده اند، پراکنده می کند. کجاست آن شهامت سیاسی که هرآن گروه را که به بهانه ریاکارانه مبارزه برای حقوق ملی فلان خلق و بهمان ملیت ستمدیده، از سفره گسترده نیوکان ها و یا شیوخ عربستان و امارات و پان تورکیستها بهره گیرد از خود براند و حاضر به نشستن با ایشان نشود؟"(2).

اوسته گؤروندوگو کیمی فارس تمامیتچیلری میللیتلر مسئله سی قارشیسیندا دیغلایاراق اود توتماغا باشلامیشلار. دئمک، ایران ممالیکی محروسه سینده میللی مسئله یوخدورسا، محمد امینی خیال ائتدیگی صفلر، هانکی وسیله لر ایله داغیلیر مسئله سی اورتایا چیخمیش اولار(باخ اوسته: صف یگانه جنبش ... برابر حکومت تبعیض و ریا ایستاده اند، پراکنده می کند)؟ دئمک، میللی مسئله و میللی ظولوم یوخدور دئمگه چالیشان فارس راسیستلری یالنیز اؤزلرینی آلدادا بیلرلر. بونلارا باخمایاراق ایران ممالیکی محروسه سینده کی فارس اولمایان ائتنوسلار میللی ظولومون هانکی آشامادا اولدوغونو گونو گوندن داها دا یاخشی باشا دوشرلر!. محمد امینی گئنه ده یازیر:

"... نه دولت کنونی و نه دولت پهلوی نماینده ستم ملت فارس بوده و هست و نه دولت قاجار نماینده ستم ترکمانان بر فارس زبانان."(2).

اوسته گؤروندوگو کیمی محمد امینی گئنه ده عوامفریبلیک ائتمگه چالیشار. حاکیم سیستیم دئدیکده بیر دیل و مدنیتی اساس گؤتورموش حاکیمیت نظرده توتولار. حاکیمیت ائتمک باخیمیندان قاجارلار زامانی ایران ممالیکی محروسه سینده فارس دیلی یالنیز دیوان دیلی اولدوغو و خالقلارین یاشاییشینا هئچ بیر اتگی و تأثیر ائتمدیگی اوچون قاجارلار زامانینا عایید میللی ظولومدن سؤز صؤحبت اولابیلمز. ائله اوندان یانا دا قاجار شاهلیق دیسپوتیزمی (ایستیبدادی) علیهینه ووروشان گوجلر قاجار شاهلاری ائتدیکلری ظولمون علیهینه دیوان دیلی ساییلان فارسچانی اؤز آرالاریندا آنلاشما واسیطه سی ائده رک آزادلیق اوچون دؤیوش آپارمیشلار. آذربایجان تجددودلوک اینقلابی نتیجه سینده اؤیرنیم سیستیمی نین ایران ممالیکی محروسه سینه گلمه سینه باخمایاراق آذربایجان تجددودلوک حرکاتی نین تهراندا یئنیلگه یه (شیکسته) اوغراماسی و رضاخانین ایش اوستونه گلمه سی ایله فارس دیلی مرکزیتچی حاکیمیت طرفیندن اؤیرنیم و ایجباریت دیلی ائدیله رک، اینسانلارین بوتون یاشانتیلارینا بورون سوخان، فارس اولمایان توپلوملارین دیل و مدنیتلری، اونلارین اینسانی و فیکری گوجلرینی سؤمورمک اوچون بیر ایستعمارچی و ظولم ائدیجی قاتیل رولونو اوستلنمیش بیر وسیله اولموش. دئمک، کئچمیشده کی حاکیمیتلری بوگونکو حاکیمیتلر ایله توتوشدورارکن اونلارین آرالاریندا اولدوقلاری آیرینتیلاری (تفرعات)، توپلوملار اوچون اوینادیقلاری و اعمال ائتدیکلری روللارینی دا قلمه آلارساق، کیمسه نین بوش بوش اؤزونو یورماغا احتیاج گؤرونمز. محمد امینی گئنه ده یازیر:

"...   مردم ایران این کژاندیشی ها را   در گذشته آزمون کرده و تاوان آن را با جان و هستی خویش پرداخته اند. فراموش نکنیم که   جنبش فرقه دموکرات آذربایجان و تشکیل جمهوری مهاباد، جنبش دموکراسی ایران را که پس از شهریور بیست در راستایی اصلاح طلبانه و متین به پیش می رفت، از مسیر خود خارج کرد و به بیراهه کشاند."(2).

محمد امینی نین اوسته کی عیبارتلرینی نظره آلارساق، فارسلار ایشلتدیکلری "... به شقیقه" عیبارتی خاطیرلانمیش اولار. بیلیندیگی آذربایجان دئموکرات فیرقه سی 1324 ایلینده حاکیمیت بوشلوغوندان فایدالاناراق آذربایجان میللتینه اولموش ظولوملرین قارشیسینی آلماغا چالیشمیش. آنجاق بؤیوک دؤولتلر آراسیندا اوینانان اویونلار بو مسئله یه ایجازه وئرمه یه رک آذربایجان میللتی گئنه ده فارس شوونیزمی و ایتسعمارچیلیغی نین آلتیندا قالمالی اولموش. دئمک، فارس حاکیمیت قوشونلاری و اونلارا قویروق اولموشلار واسیطه سی ایله آذربایجان و کورد خالقلاری نین قانی تؤکولرکن، فارس تشکیلاتلاری- ایستر ساغ، ایسترسه ده سول مئاب اولسونلار- تهران مجلیسینه سوخولماق اوچون بیربیرلری نین باشلارینی یارماغا چالیشارمیشلار. سونوندا حاکیمیت اوغروندا بو گرگین دؤیوشلر نتیجه سینده فارس ساغ (حزب ملت ایران، آیت الله کاشانی و ساییره) و سول مئاب (حزب توده) تشکیلاتلار یاخین امکداشلیق ائتمک زوروندا قالمیشلار. بو امکداشلیقلار نتیجه سینده محمد مصدق نخست وزیر اولاراق ایش اوستونه گلمیش. آیت الله کاشانی و محمد مصدقین بیربیرلریندن صفلری نین آیریلماسی و توده پارتیسی (شوروی یانجیسی) نین محمد مصدق ایله ایش بیرلیگی نین آرتماسیندان آمریکا بیرلشمیش شتاتلاری ناراحاتلیق حیسسی کئچیره رک حاکیمیتی بیر سیناریو واسیطه سی ایله گئنه محمد رضا شاها گئری وئردیرمیش. دئمک، ایصلاحاتچیلیق سؤز قونوسو اولدوقدا، میللیتلر مسئله سی آچیسیندان حاکیمیتیه پوزیسیون ساییلان فارس تشکیلاتلاری نین بوگونکو ایفاده لری ایله دئییلرسه، فارس جمهوریتچیلیگی نظرده آلینار دئیه دوشونمه لی ییک. بو مسئله فارس راسیستلری و تمامیتچیلری اوچون بیر ایدآل ساییلارسا دا، فارس اولمایان ائتنوسلار اوچون گؤز قاماشدیریجی گؤرونه بیلمز.



قایناقلار:

1 پرویز ورجاوند، جناب آقای خاتمی، ریاست جمهوری (1379):

http://millishura.com/Farsi/azsav/mektub.htm

1.1 اعتراض جمعی از اعضای جبهه ملی ايران به يك تصميم وزارت آموزش و پرورش، پنجشنبه 23 بهمن 1382: http://news.iran-emrooz.de/more.php?id=3041_0_7_0_M

2                    محمد امینی، جنگ افروزی قومی و پی آمدهای هولناک آن، یکشنبه ۲۴ تیر ۱۳۸۶ چهاردهم جولای ۲۰۰٧ :

http://www.iran-emrooz.net/index.php?/politic/more/13528/

3 هادی صوفی زاده، اهداف سلطنت طلبان از همایش پاریس:

http://www.rojhelatpres.com/july-07/1-19.htm

4 محمد مهدی عبد خدایی، تلاش دولت برای الحاق باکو و نخجوان به ایران، 27 اردیبهشت 1386: http://www.aftabnews.ir/vdcdfj0ytf0f9.html

4.1 حسین شريعتمداري: کیهان، 23 تیر 1386، موضع كيهان نظر بسياري ازمردم ايران و بحرين است: http://www.kayhannews.ir/860423/2.htm#other204

4.2 محمود افشار یزدی، به انجمن ادبي كابل (سال1311 خورشيدي)، پان ایرانیسم یا اتحاد ایرانیان: فرمان آریا: http://farmane-ariya.blogfa.com/post-22.aspx

4.3 پان ایرانیست، فرمان آریا، هاله سیاه بر قلب های ما و استواری در اراده هایمان، 11 تیر ماه 1386: http://www.farmane-ariya.blogfa.com/

 

ایشیق سؤنمز 15.07.2007