http://www.hbayat.azerblog.com/1388_04_17_Say=924.ay

درگیری خونین میان نیروهای انتظامی و اویغورهای مسلمان شین جیانگ در شمال‌غربی چین | آنا یارپاق

کاشغردن گلیر‌م

قوراپيشيرن ۱۷, ۱۳۸۸

کاشغرده‌ن گلیرم
یوکوم
سؤزجوک
دیوان لغات الترک.

کاشغرده‌ن گلیرم
یوکوم
قان
باریت
باغیرتی
آکسییا
یارا
آغیت.

کاشغرده‌ن گلیرم
یوکوم
گؤز یاشیندان یاناغیمدا ایز سالمیش
دوز.
گؤز قانیمدان
اوزومو بویامیش
قیرمیز.

کاشغرده‌ن گلیرم
یوکوم
مئدیالاردا سانسور اولموش خبر
یوکوم
اورخون داش ماهنی‌سی
دوداقلاریندا
اورومچو قیزلاری آکسییا کئچیریر.

کاشغرده‌ن گلیرم قیز!
دؤشلری‌نین اوسته سر منی
اولدوزا باخماغا ماوی گؤزده تامارزیلامیشام
تورکو ائشیتمه‌یه
شافاقدان بویانمیش دوداقدا.
قیز!
قیز!
آی قیز!
نییه سوسوب تربیز؟

کاشغرده‌ن گلیرم
یوکوم
یوکوم
ساتدیغیمیز آتلار
آتدیغیمیز
سؤزجوک‌لر.

آلدیرما قیز!
بیر بارداق آراخ گتیر
آراز اورتاسیندا
کاشغرده‌ن گلیرم
یوکـ
الدیرما قیز
تؤک!

سید حیدر بیات

بؤلمه لر: شعرلر |