آ حؤرمتلي دوستلار
بيلديييز كيمي، آمستردام دييالوق توپلانتي سينين سئچدي يي "كواورديناسيا قوروپو" 22 مارت 2010 تاريخلي چاغيريشيندا، عوموم آذربايجانلي لارا موراجيعت ائدرك، هامي دان " تشكيلاتلار و شخصلرين دواملي ايشبيرليگي مئخانيزماسينين يارانماسي اوچون" تكليفلرين ايرهلي سورولمهسيني ايسته ميشدير. بو چاغيريشا بير جاواب كيمي، بو ساحه ده كئچميش تجروبه لر اساسيندا، بيز بير سيرا دوستلارا موراجيعت ائديب، اونلارين بو حاقدا فيكير و مولاحيظهلريني سوردوق. جاوابلار بيرآز گئچ اليميزه چاتسادا، آشاغي داكي تكليف لاييحه، كتبي و شيفاهي تكليفلرين بير يئرده توپلاماسيندان الده اولموشدور...

سايقي لاريميزلا

علي ملازاده
علي رضا اردبيلي
24 آپريل 2010 استوكهولم


تكليف لاييحه: آذربايجان دييالوق فورومو Azərbaycan Dialoq Forumu

تعريف: فوروم، آيري-آيري سياسي فيكيرلره صاحيب اولماقلاريلا برابر، آمستردام بياناتيني قبول ائدن گونئي آذربايجانلي سياسي تشكيلاتلار و سياسي فعاللارين دييالوق اورقانيدير. فوروم واخت آشيري آچيق قورولتاي و قورولتايلار آراسي فعاليتلرله، آمستردام بيانانينين مومكون ائتدييي، دائمي دييالوق و پلوراليستي سياسي فعاليت موحيطيني ماديلشديرمهيه چاليشير.
عوضو: آمستردام بياناتيني قبول ائدن هر بير حقيقي شخص فوروما عوضو اولا بيلر. سياسي تشكيلاتلارين عوضولريده حقيقي شخصلر كيمي فوروما قاتيلا بيلرلر.

پرينسيپلر:
بير. فوروم دونيانين دئموكراتيك اؤلكهلرينين قانونلاري چرچيوه سينده لئقال و شفاف فعاليت ائدير.
ايكي. فوروم اؤز عوضولريله رقابت ائتمير و اونلارين اؤزلرينين باجارديقلاري ايشلري اوزرينه آلمير. فورم آذربايجان ميللي آزادليق حركاتينين آكتيورلارينين تكليكده باجارمادايقلاري يوكسك اهميتلي پلانلارين حياته كئچيريلمهسينه چاليشير.
اوچ. فوروم، آذربايجانين عوموم ميللي منافعي و ميللي حركاتين مشترك ايستكلريني اساس توتور و حركاتين بوتون قانادلارينين راضيليغي اولان مؤوضوعلاردا فعاليت ائدير.

قورولتاي: زامانين طلبيندن آسيلي اولاراق آزي 6 و ان اوزاغي 24 آي فاصيلهايله كئچيريلير.

قورولتايين ايش فورماتي:
بير. دونيا ايجتيماعيتيله تانيشليق و دونيادا گونئي مسئلهسيني آكتوئل ساخلاماق مقصديله دونيا ايجتيماعيتيلهنين نومايندهلريله بيرگه گؤروش و دييالوق.
ايكي. فورومون عوضولريندن و كناردان دعوت اولموش فيكير صاحيبلرينين ايشتيراكيله، علمي نظري كونفرانس كئچيرمك.
اوچ. فوروم، ايكي قورولتاي آراسي دؤورده فعاليت راپورو. كئچن دؤورون تنقيدي تحليلي.

قورولتايين ايختيار چرچيوهسي:
بير. بيانات قبول ائتمك. متني، ان گئجي قورولتايدان بير آي اؤنجه عوموم اوچون تقديم اولموش بياناتلاري ان آزي يوزده 70 سسله و ايلك متني بير آيدان آز بير فاصيلهده تقديم اولان سندلري يوزده 90 سسله.
ايكي. آمستردام بياناتينا دئيشيكليك و علاوهلر يوزه 90 موافيق سس و ايكي آرديجيل قورولتايين سس وئرمهسيله.
اوچ. گلن قورولتايا قدر فعاليتلري قاباغا آپاران بير "كواورديناسيا قوروپو" سئچمك

كواورديناسيا قوروپونون ايختيارلاري و مسئوليتي:
بير. ميللي موناسيبتلر و تاريخي گونلرله موناسيبتده بيانات وئرمك.
ا
يكي. گونئي آذربايجان دا اينسان حاقلاريندان مودافيعه ائتمك.
اوچ. گونئي ده گئدن ميللي موباريزه حاقيندا دونيادا باشقاديللرده و دونيا ايجتيماعيتينه معلومات يايماق.
دؤرد. ميللي حركاتين سيرالاريندا ساغلام آتموسفرين كئشييينده دورماق. داخيلي قارشي دورمالار و آتموسفري زهرلهمهيه قارشي تدبيرلر گؤرمك. ميللي حركاتين سيرالاريندا داخيلي موناسيبتلرين اينكيشافيني نظارت آلتيندا ساخلاماق و بو مؤوضوعدا قوروپون ايجلاسلاريندا راپور وئرمك و فورومون عوضولري و قوناق موحاضيره اوخويانلار و دباتورلارين ايشتيراكيلا توپلانتيلار كئچيرمك.
بئش. اينترنت و اينترانت سايتلاري ياراديب، ايداره ائتمك.