http://azad-qadin.blogspot.com/2011/01/blog-post.html

 

آنا " ديل ياساغي، تجاووز، داشقالاق ( سنگسار ) و اعدام

 

ايراندا باسقي آلتينداکي ميلتلردن اولان قادينلارا قارشي دؤولت شيددتي

سئودا زنجانلی

بوگون باشتا شرق توپلومو اولماق اوزره توم دونيايا حاکيم اولان پاترييارکال (اتا-کيشي مرکزلي، کيشي حاکيمييتلي) سيستمدئ هر تورلو (ئقتيسادي، ميللي، سوسيال وئ پوليتيک) تهککوم وئ باسقي ايليشکيسي (علاقه سي)، ائن چوخ قادينلاري مقدور ائدير. قادينلاري کيشيلرين " ناموس " او کيمي گؤرن، قادي نين کيمليغيني اؤزونئ گورئ يوخ، کيشييلئ اولان علاقه سينئ گورئ اولوشتوران بو سيستئمين نتيجه سي اولاراق، بير شخصي تهقير ائتمئنين، باسقي آلتينا آلمانين وئ آشاغيلامانين ائن باشليجا يولو اونون عاييلهسيندئکي قادينلارا تهقير اولونماسيدير: بو تکچه شخصلر اوچون يوخ، سوسيال توپلولوقلار وئ دولاييسييلا اولوسلار اوچون دئ کئچرليدير: بير اولوسو باسقي آلتينا آلمانين وئ آشاغيلامانين بير يولو دا او اولوسون قادينلارينا قارشي موخته ليف يوللارلا شيددت اويگولاماقدير. بو سببله دير کي تاريخدن بوگونئ ساواشلاردا ايشغالجي دؤولتلرين عسگرلري ايشغال اولونان يورددا تهککوم وئ ايقتيدارلاري نين ايثباتي اولاراق قادينلارا تئجاووز ائديرلر وئ يئنه بو سببله دير کي موخته ليف اؤلکئلرده ديلي وئ اولوسال کيمليگي ياساق اولان باسقي-آلتينداکي ميللئتلر، حاکيم-اولوسون قادينلاريندان چوخ داها درين وئ چوخ-بويوتلو (چوخميقياسلي) بير ظولمه معروض قاليرلار. بوگون ايراندا فارس ائتنيک کيمليگينئ (ethnicity) ياني اولوسونا منسوب اولمايان قادينلارين گؤردويو دؤولت شيددتي (زوراکيليغي)، پاترييارکال سيستمدئکي بو ايقتيدار-تهککوم ساواشي نين بير قولودور.

شوبهه سيز ايراندا يالنيز ميللي وارليغي باسقي آلتيندا اولان تورک، کورد، عرب، بلوچ ... قادينلاري يوخ، توم قادينلار دؤولت شيددتينه معروض قاليرلار: بوگون تئهران، ايسفاهان، شيراز، قوم کيمي شهرلردئ دئ دؤولتين پوليسي قادينلاري ايسلامي هيجابا مجبور ائدير، قادين هاقلاريني تاپتالايان موخته ليف قانونلار ائتنيک کيمليگيندئن ياني اولوسوندان آسيلي اولماياراق ايرانداکي توم قادينلاري حدف آلير. آنجاق اؤلکه ده ياشانانلارا، پاترييارکال سيستمين سوسيولوژيک تحليلي نين ايشيقيندا باخيلاندا، بورداکي باسقي آلتينداکي ميلتلرين قادينلارينا قارشي دؤولت شيددتي نين، ديغرلرينه اولاندان داها فرقلي وئ داها آغير بير فورمدا اولدوغونو گؤروروق.


هرشئيدن ائول، بو اولوسلارين آناديلين تحصيل، متبوات.. ساحه لرده ياساقلانماسي نين اؤزو معنوي بير دؤولئت شيددتيدير وئ ائن چوخ دا بو ياساقا معروض قالان ميللئتلرده کي قادينلاري، ياني آنالاري حدف آلير. هئر توپلومدا، نسيلدئن نسيله ديلي وئ کولتورو (مدنيتي) داوام ائتتيرن شئخس، توپلومون ائن کيچيک واحيدي اولان عاييلهده کي " آنا " دير، ياني قاديندير. " آنا " ديل ياساقي نين باشليجا نتيجه سي اولاراق آنانين اوشاقييلا الاقئسي چوخديلليليغين نئتيجئسي اولاراق پروبلئمليلشير، بيرچوخ دورومدا آناديلدئ تحصيل ياساقي نين ياراتتيغي آسسيميلاسييا (assimilation: اؤزگلشم)، اوشاقلارين " آنا " ديللئريني دانيشابيلمئمئلئرينه وئ بو سببله آنا-اوشاق الاقئسيندئ بير قوپوقلوق ياشانماسينا يول آچير: وئ آنانين اوشاقييلا " آنا " ديليندئ دانييشابيلمه مه سي اولور نتيجه. بو هم " آنا " کيمليگينده، دولاييسييلا " قادين " دا، وئ هم اولوسال کيمليکتئ درين يارالار آچير.

آناديل ياساقينا علاوه اولاراق، رسمي مطبوعات و ديگر يوللاردان ائديلن تهقيرلر، دؤولت مسئوللاري وئ پوليسلري طرفيندن تئجاووز، جينايتلر، ايدام وئ تاشقالاق، باسقي-آلتينداکي ميللئتلرين قادينلارينا قارشي ايقتيدار-تهککوم ساواشيندا قوللانيلان سيلاهلارديرلار. ميثال اولاراق 2010 ايلي نين اييون آييندا تبريزدئ بسيجيلر طرفيندن تجاووزئ اوغراييپ قطعله يئتيريلن 26 ياشلي ائلناز بابازادئيئ اويگولانان بو شيددتين، تبريز مرکزلي آذربايجانين اؤز قدريني تعيين حققي تاپتالانان بير يورد اولدوغو گرچئغي ديقته آليناندا، سياسي بير آنلام دا تاشيديغي گؤرولور.
آذربايجان قاديني نين معروض قالديغي دؤولت شيددتينه، ايرانين موخته ليف حبسخانالاريندا تاشقالاق يولويلا ايدام اولونمايي گؤزله ين قادينلاردان دا ميثال چئکمق اولار. ساييسي ائن آزي 19 نئفئر اولان بو قادينلارين بيرچوخو آزئربايجانليدير. بو قادينلاردان بيري اولان تبريزلي 25 ياشلي مريم قوربانزادئ، توتولدوغوندا حاميله ايدي وئ قانونلارا گؤره حاميله بير قادين ايدام اولوناماياجاغي اوچون، وکيلي نين آوروپا مطبوعاتينا ورديغي بئياناتلارا گؤرئ آبورتا مجبور ائديلدي. يئنه آوروپا وئ دونيا مطبوعاتينا سئسيني چاتتيران وئ بير مودت اول آزاد بيراخيلديغي هاقدا يالان خبر ياييلان آنجاق هئله دئ ايدامي گؤزلئين سکينه آشتيياني دئ بير آزئربايجانلي قاديندير وئ وکيلي نين بئياناتلارينا گورئ فارس ديليندئ دانيشابيلمئديغي اوچون محکمه ده اؤزونو ساوونماقدا چتينليق چئکميشتير.

ميللي کيمليک هاقلاري يادا قادين هاقلاري ساحه سينده فعال اولان آذربايجانلي قادينلارين حبسولوناراق جيسمي وئ معنوي باسقيلارا معروض قالماسي دا دؤولت شيددتي نين بير نؤوودور: سون اولاراق 6 آي حبسه محکوم اولان آرمان اؤيرنجي تشکيلاتي عوضوو وئ آذربايجان قاديني آدلي اؤيرنجي قزتي نين ائديتورو فاطيمه نسيرپور کيمي.

البته بيرچوخ فرقلي ميلتين ياشاديغي ايراندا باسقي آلتيندا توتولان، ديلي وئ کيمليغي ياساقلانان وئ اؤز قدريني تعيين حاقي تاپتالانان تک خلق آذربايجانليلار دئغيلدير: تورکلرين يانيندا کورد، عرب، بلوج وئ ديگر اولوسلاردان قادينلار دا بو شيددته معروض قاليرلار. بوگون بير کورد قاديني اولان (ياني هم ميللي کيمليغي، هم سونني مذهبي وئ هم جينسييتي سببييله آيري-سئچکيليغئ معروض قالميش اولان) زئينب جلالييان ايللردير کي " موحاربه " ايتتيهامييلا عدامي گؤزلئيير. توتولدوغو هئبسخانادا جيدي ساغليک پروبلئملري ياشايان زئينب هر ايکي گؤزوندن تيببي عمليياتا احتيياج دويور، آنجاق خبرلره گؤرئ حبسخانا مئسوللاري اونا " سن عدام اولاجاغين اوچون گؤزلرينه اهتيياجين يوختور " سؤزويله تئداويسينه ايجازئ ورمير وئ بئله ليکله توم اخلاقي-ويجداني قوراللاري چيينئييرلر.

دؤولت شيددتي باشليغي آلتيندا بو نؤو باسقيلارا تکچه ايراندان يادا آذربايجانلي تورکلردن يوخ، دونياداکي بيرچوخ آيري اؤلکئدن وئ بيرچوخ آيري خلقدن ميثاللار تاپماق اولار: روسيادا چئچنلر وئ شيمالي کافکاسيالي موسلمان خلقلر، ايسپانيادا باسک (basque) ميلتي، بؤيوک بريتانيادا شيمالي ايرلاندالي قادينلار وئ سياسي موباريزه لري، تورکييئدئ کورد خلقي، چيندئ اويقور تورکلئري وئ اويقور قاديني رابييا قادير، آفگانيستان وئ پاکيستانداکي بلوجلار....اؤلکه لر، خلقلر وئ قانونلار فرقلئنسئ دئ حاکيم سيستمين پاترييارکال (کيشي حاکيمييتلي) وئ مرکزي دؤولتچي " تئک ديل-تئک ميلت-تئک دؤولت " شوارلي monist (تئکچي) فلسفه سي عئينيدير:دولاييسي ايله باسقي آلتينداکي ميللئتلردئن اولان قادينلارين گؤردوغو ظولم دئ بو سيستمين بير نتيجئسي اولاراق موشته رکدير